Rains: హైదరాబాద్‌లో దంచికొట్టిన వాన.. రోడ్లు జలమయం

హైదరాబాద్ నగరాన్ని వానలు ఇప్పట్లో వదిలేలా కనిపించడం లేదు. వరుసగా భారీ వర్షాలు కురుస్తుండడం జనజీవనం అస్తవ్యస్తమవుతోంది. ఈరోజు నగరంలోని పలు ప్రాంతాల్లో భారీ వర్షం కురిసింది. రోడ్లు జలమయమయ్యాయి. లోతట్టు ప్రాంతాలు నీటమునిగాయి. ప్రధాన ప్రాంతాల్లో మోకాలి లోతు నీళ్లు నిలిచాయి. రాజేంద్రనగర్, అత్తాపూర్, అంబర్ పేట్, రామంతాపూర్, మలక్‌పేట్, దిల్‌సుఖ్‌నగర్‌లలో భారీ వర్షం కురిసింది. బంజారాహిల్స్, జూబ్లీహిల్స్ ప్రాంతాల్లో ఓ మోస్తారు వాన కురిసింది. పలుప్రాంతాలు జలమయంగా మారాయి. మూసారాంబాగ్ బ్రిడ్జి వద్ద వరద నీరు పోటెత్తింది. వాహనాలు నీటిలో చిక్కుకుపోయాయి. చాలా చోట్ల రహదారులు చెరువుల్లా మారాయి. భారీ వర్షాలు కురుస్తుండడంతో నగర ప్రజలు అప్రమత్తంగా ఉండాలని జీహెచ్‌ఎంసీ అధికారులు హెచ్చరికలు చేస్తున్నారు. ఇప్పటికే వాతావరణ శాఖ సమాచారం మేరకు హెచ్చరికలు జారీ చేశారు. నగరంలో భారీ వర్షాలు కురిసే అవకాశం ఉందని వాతావరణ శాఖ ఇప్పటికే హెచ్చరించింది.

Also Read: