హైదరాబాద్ పార్క్ హయత్‌ హోటల్‌లో భారీ చోరీ.. వజ్రాలు పొదిగిన ఆభరణాలు మాయం !

Park Hyatt Robbery: హైదరాబాద్ బంజారాహిల్స్‌లోని పార్క్ హయత్ హోటల్‌లో (Park Hayatt) భారీ చోరీ (Robbery) జరిగింది. చోరీకు గురైన సొత్తు విలువ లక్షల్లో ఉన్నట్లు తెలుస్తోంది. చోరీ ఘటనపై పంజాగుట్ట పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. ముంబైకి చెందిన వ్యాపారవేత్త ఫారూక్ వ్యక్తిగత పని నిమిత్తం గత నెల హైదరాబాద్‌కు వచ్చారు. అనంతరం పార్క్ హయత్‌లో బస చేశాడు. రెండ్రోలు హోటల్లో ఉన్న తర్వాత.., హోటల్లో వీఐపీ తాకిడి ఎక్కువగా ఉందని కావాల్సిన సదుపాయాలు ఇవ్వలేమని పార్క్ హయత్ యాజమాన్యం ఫారూక్‌కు చెప్పటంతో ఆయన గత నెల 25న చెక్ అవుట్ అయ్యారు. ఆ సమయంలో తన బ్యాగు కనిపించకుండా పోయిందని అందులో విలువైన వజ్రాలు పొదిగిన బంగారు అభరణాలు ఉన్నాయని హోటల్ యాజమాన్యానికి తెలియజేశాడు. అక్కడి నుంచి ఐటీసీ కాకతీయ హోటల్‌లో మరో గదికి వెళ్లారు.

ఈనెల 1న పంజాగుట్టు పోలీసు స్టేషన్‌కు వెళ్లిన ఫారూక్.., నగలు పోయాయని క్లంఫ్లైంట్ ఇచ్చారు. 10.36 గ్రాముల బరువున్న 89 సహజ వజ్రాలు పొదిగిన బ్రాస్లెట్, 3.6 గ్రాముల బరువున్న డైమండ్ రింగ్, 5.1 గ్రాముల బరువున్న బంగారు మంగళసూత్రం, 11 గ్రాముల బరువున్న బంగారు గొలుసు, 4.4 గ్రాముల బరువున్న డైమండ్ ఇయర్ రింగ్ పోయాయని ఫిర్యాదులో పేర్కొన్నారు. బాధితుడి ఫిర్యాదు మేరకు కేసు నమోదు చేసుకున్న పోలీసులు విచారణ చేపట్టారు. కాగా.. బాధితుడి తెలిపిన వివరాల ప్రకారం.. పోయిన సొత్తు విలువ లక్షల్లో ఉంటుందని తెలుస్తోంది.