Hyd సీపీ గన్ ఫైరింగ్ చూస్తారా? దద్దరిల్లిన పరిసరాలు.. వీడియో

హైదరాబాద్ పోలీస్ కమిషనర్ గన్ ఫైరింగ్‌ కార్యక్రమంలో పాల్గొన్నారు. గురువారం ఉదయం హైదరాబాద్‌కు చెందిన పలువురు పోలీసు ఉన్నతాధికారులు కూడా ఈ గన్ ఫైరింగ్‌లో పాలుపంచుకున్నారు. తెలంగాణ పోలీస్ అకాడమీలో జరిగిన షూటింగ్‌లో పోలీస్ కమిషనర్ అంజనీ కుమార్‌తో పాటు సీనియర్ ఐపీఎస్ అధికారులు అందరూ రకరకాల తుపాకులను కాల్చారు. పోలీసులు ఉన్నతాధికారులంతా కొన్ని అడుగుల దూరంలో ఉన్న లక్ష్యం వైపు తుపాకులను గురి పెట్టి కాలుస్తుండడం ఆకట్టుకుంది.

మూడు నెలలకోసారి పోలీస్ అధికారులు తప్పనిసరిగా ఈ ట్రైనింగ్‌లో పరీక్షలు చేయించాల్సి ఉంటుంది. షూటింగ్ పరీక్షలు తప్పనిసరిగా అధికారులందరూ పాల్గొనాల్సి ఉంటుంది. అంతేకాకుండా తమ సామర్థ్యాన్ని కూడా పరీక్షించుకోవాల్సి ఉంటుంది. ఈ నేపథ్యంలోనే హైదరాబాద్ నగరంలో ఉన్న సీనియర్ ఐపీఎస్ అధికారులు గురువారం అంజనీకుమార్‌తో కలిసి గన్ ఫైరింగ్ నిర్వహించారు. చిన్న చిన్న పిస్టల్స్ నుంచి పొడవాటి రైఫిల్స్, ఏకే 47 వరకూ తుపాకులను పేల్చారు.

ఈ కార్యక్రమం జరుగుతున్నంత సేపు ఆ ప్రాంతమంతా బుల్లెట్ల చప్పుడుతో దద్దరిల్లిపోయింది. దీనికి సంబంధించిన వీడియోలను పోలీసులు విడుదల చేశారు. ఫైరింగ్ జరుగుతున్న వేళ ఆ చప్పుళ్లు ఒళ్లు జలదరించేలా ఉన్నాయి.