పెద్ద శబ్దంతో కుప్పకూలిన లిఫ్ట్.. లోపల ఎమ్మెల్యే, మేయర్.! షాకింగ్

లిఫ్ట్ అమాంతం కుప్పకూలడంతో కలకలం రేగింది. అందులో ఎమ్మెల్యే, మేయర్ ఉండడంతో ఆందోళన రేగింది. అందరూ సురక్షితంగా బయటపడడంతో ఊపిరిపీల్చుకున్నారు. ఉప్పల్‌లో ఈ ఘటన జరిగింది.

Samayam Telugu 29 Jul 2021, 5:12 pm

పై అంతస్తుకి వెళ్తున్న లిఫ్ట్ భారీ శబ్దంతో కుప్పకూలిన షాకింగ్ ఘటన హైదరాబాద్‌లో జరిగింది. పెద్ద శబ్దంతో లిఫ్ట్ ఒక్కసారిగా కింద పడిపోవడంతో అంతా నిశ్చేష్టులయ్యారు. లిఫ్ట్‌లో ఉన్న ఉప్పల్ ఎమ్మెల్యే , బోడుప్పల్ మేయర్ త్రుటిలో ప్రమాదం నుంచి బయటపడ్డారు. ఉప్పల్ పరిధి నల్లచెరువు ఏరియాలోని ఓ ప్రైవేటు ఆస్పత్రి ప్రథమ వార్షికోత్సవంలో ఎమ్మెల్యే బేతి సుభాష్ రెడ్డి, బోడుప్పల్ ఎమ్మెల్యే సామల బుచ్చిరెడ్డి హాజరయ్యారు. ఆస్పత్రిలో పై అంతస్తుకి వెళ్తుండగా లిఫ్ట్ అమాంతం కుప్పకూలింది. ఈ ఘటనతో అందరూ ఉలిక్కిపాటుకి గురయ్యారు. ఎమ్మెల్యే వెంటనే తేరుకుని సెక్యూరిటీ సిబ్బందిని అప్రమత్తం చేశారు. తలుపులు తీసిన సిబ్బంది లిఫ్ట్‌లో ఉన్న వారిని బయటకు తీసుకొచ్చారు. బోడుప్పల్ మేయర్‌కి స్వల్ప గాయాలయ్యాయి. ప్రాణనష్టం లేకపోవడంతో అంతా ఊపిరి పీల్చుకున్నారు.

పెద్ద శబ్దంతో కుప్పకూలిన లిఫ్ట్.. లోపల ఎమ్మెల్యే, మేయర్.! షాకింగ్

తరవాత కథనం