Big Alert: ట్యాంక్ బండ్‌ రోడ్డులో No Entry.. వివరాలు.!

సోషల్ మీడియాలో యాక్టివ్‌గా ఉండే కేటీఆర్ నెటిజన్లకు ఎప్పుడూ టచ్‌లో ఉంటారు.. ఆస్క్ కేటీఆర్ అంటూ ప్రశ్నలకు జవాబిచ్చినా.. నిరుపేదలకు సాయం చేయమని అడిగినా సకాలంలో స్పందిస్తూ ప్రజాభిమానం పొందుతున్నారు. కేటీఆర్‌ని సాయం అడగడం.. ఆయన కార్యాలయం స్పందించి వారి వివరాలు సేకరించి సాయం చేయడం చకచకా జరిగిపోతుంటాయి. తాజాగా అలాంటి ఆసక్తికర సంభాషణ ఒకటి ఆర్డర్‌గా మారిపోయింది. ట్యాంక్ బండ్ సందర్శకులకు వీకెండ్స్‌లో వాహనాల రాకపోకలు అడ్డుగా మారాయని.. అటూ ఇటూ వెళ్లేందుకు ఫ్యామిలీస్‌ ఇబ్బంది పడుతున్నాయని ఓ నెటిజన్ చేసిన ట్వీట్‌కి మంత్రి కేటీఆర్ స్పందించారు.

నెటిజన్ ఐడియాని మెచ్చిన కేటీఆర్ ట్యాంక్‌ బండ్‌పై ఆదివారం సాయంత్రం 5 గంటల నుంచి ట్రాఫిక్ ఆంక్షలు అమలు చేస్తే బాగుంటుందని.. సాధ్యాసాధ్యాలను పరిశీలించి ప్రణాళిక రూపొందించాలని హైదరాబాద్ పోలీస్ కమిషనర్‌కి ట్వీట్ చేశారు. కేటీఆర్ నుంచి ఆదేశాలు వచ్చిన వెంటనే స్పందించిన హైదరాబాద్ పోలీస్ ట్యాంక్ బండ్‌పై ట్రాఫిక్ ఆంక్షలు విధించేందుకు సిద్ధమయ్యారు. ఆదివారం సాయంత్రం వేళలో సందర్శకులకు ఇబ్బంది కలగకుండా వాహనాల రాకపోకలను నిషేధించనున్నట్లు తెలిపారు. ఆదివారం సాయంత్రం 5 గంటల నుంచి రాత్రి 10 గంటల వరకూ వాహనాలను నిషేధిస్తున్నట్లు కమిషనర్ అంజనీ కుమార్ తెలిపారు. వచ్చే ఆదివారం నుంచే ఆంక్షలు అమల్లోకి వస్తాయని కమిషనర్ నగర ప్రజలకు తెలియజేశారు.

Also Read: