Hyderabad: పోలియో వ్యాక్సిన్ వికటించి నెలన్నర చిన్నారి మృతి!

Polio Vaccine: హైదరాబాద్ ఐఎస్ సదన్ డివిజన్ సైదాబాద్‌లో విషాదం చోటు చేసుకుంది. 52 రోజుల చిన్నారి అనుమానస్పదసిత్థిలో మృతి చెందాడు. నిన్న (బుధవారం) బస్తీ దవాఖానాలో చిన్నారికి పోలియో డ్రాప్స్ వేయించారు. ఘటనకు సంబంధించిన వివరాల్లోకి వెళితే.. నల్గొండ జిల్లా దేవరకొండ మండలం బాలు నాయక్ తండాకు చెందిన లచ్చిరాం, మౌనిక దంపతులకు ఏడాది క్రితం వివాహం జరిగింది. వీరు సైదాబాద్ ఖాజాబాగ్ గుడిసెల్లో నివాసం ఉంటుండగా.. లచ్చిరాం ఓ ప్రైవేటు కాలేజీలో స్వీపర్‌గా పనిస్తున్నాడు. లచ్చిరాం దంపతులకు ఇటవలే కుమారుడు జన్మించాడు. చిన్నారి వయస్సు 52 రోజులు. అయితే సుబ్రమణ్యంనగర్‌ బస్తీ దవాఖానలో బుధవారం బాబుకు పోలియో చక్కలు వేయించారు. ఆ తర్వాత శిశువు తీవ్ర అస్వస్థతకు గురై ప్రాణాలు కోల్పోయాడు. పోలియో డ్రాప్స్ వికటించటం వల్లే తమ పాప చనిపోయిందని తల్లిదండ్రులు ఆరోపిస్తున్నారు. ఈ మేరకు సైదబాద్ పోలీసు స్టేషన్‌లో ఫిర్యాదు చేశారు. తమ చిన్నారి మృతికి కారకులైన వారిపై చర్యలు తీసుకొని తమకు న్యాయం చేయాలని తల్లిదండ్రులు వేడుకుంటున్నారు.

• Read More Telangana News And Telugu News