ఉరేసుకున్న ఇన్ఫోసిస్ ఉద్యోగి.. అవి నిలువునా ముంచడంతో మనస్తాపం

ఆన్‌లైన్‌ బెట్టింగ్‌లు మరో నిండు ప్రాణాన్ని బలి తీసుకున్నాయి. వీటి వల్ల అప్పుల పాలైన ఓ సాఫ్ట్‌వేర్‌ ఉద్యోగి ఉరి వేసుకొని ఆత్మహత్య చేసుకున్నాడు. పటాన్‌చెరులో ఈ ఘటన చోటు చేసుకుంది. పోలీసులు తెలిపిన వివరాల ప్రకారం.. స్థానికంగా నివాసం ఉండే రవికుమార్‌ (28) బెంగళూరులోని ఇన్ఫోసిస్‌ సంస్థలో పనిచేస్తున్నారు. కరోనా లాక్‌డౌన్‌ వల్ల వర్క్ ఫ్రం హోం చేస్తున్నాడు. ఈ క్రమంలో రవి కుమార్‌ ఆన్‌లైన్‌ బెట్టింగ్‌లతో అప్పుల పాలయ్యాడు.

తండ్రి ప్రభాకర్‌ మందలించి రూ.లక్ష అప్పు తీర్చినా.. ఇంకా చాలా అప్పులు అలాగే ఉన్నాయి. ఈ క్రమంలోనే మనస్తాపానికి గురయ్యాడు. తండ్రి మంగళవారం విధులకు వెళ్లగానే, బెడ్ రూంలోకి వెళ్లి చీరతో ఫ్యాన్‌కు ఉరేసుకున్నాడు. దీనిని గమనించిన తల్లి పక్కింటి వారిని పిలిచింది. వారంతా రవిని హుటాహుటిన ఓ ప్రైవేటు ఆస్పత్రికి తరలించారు. అక్కడి వైద్యులు పటాన్‌చెరు ప్రభుత్వ ఆస్పత్రికి పంపించారు. వైద్యులు రవికుమార్‌ చనిపోయినట్లు నిర్ధారించారు. కుటుంబసభ్యులు ఇచ్చిన ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్సై ప్రసాద్ తెలిపారు.

ఇవి కూడా చదవండి