వరదలో చిక్కుకున్న కారు.. కిందకు దిగి తోసిన ఎమ్మెల్యే

వరద కష్టాలు సామన్యులకే కాదు.. విఐపీలను కూడా వెంటాడుతున్నాయి. తాజాగా ఓ టీఆర్ఎస్ ఎమ్మెల్యే వరదలో చిక్కుకున్నారు. టీఆర్ఎస్ ఎమ్మెల్యే సుధీర్‌రెడ్డి కారు వరద నీటిలో చిక్కుకుపోయింది. ఎల్‌బీ నగర్ టీఆర్‌ఎస్‌ ఎమ్మెల్యే సుధీర్‌రెడ్డి హస్తినాపురం డివిజన్‌ సాగర్‌ ఎంక్లేవ్‌లో పర్యటిస్తుండగా వరదలో ఆయన కారు చిక్కుకుపోయింది. దీంతో కారు దిగిన ఎమ్మెల్యే సెక్యూరిటీతో పాటు కలిసి ఎమ్మెల్యే సుధీర్‌రెడ్డి కూడా కారును తోశారు. దీంతో అతికష్టం మీద వరదలో చిక్కుకున్న కారు బయటకొచ్చింది.

మరోవైపు భారీ వర్షానికి భాగ్యనగరం అతలాకుతలం అయ్యింది. పలు ప్రాంతాల్లోకి వరద నీరు చేరింది. మరికొన్ని గంటల పాటు.. నగరంలో భారీ వర్షాలు పడే అవకాశం ఉండటంతో ముంపు ప్రాంతాల ప్రజల్ని సురక్షిత ప్రాంతాలకు తరలిస్తున్నారు. ప్రజలంతా అప్రమత్తంగా ఉండాలని అధికారులు చెబుతున్నారు. మరోవైపు జీహెచ్ఎంసీ సైతం రంగంలోకి దిగింది.