హౌసింగ్ లోన్ తిరస్కరించిన బ్యాంక్.. షాకింగ్ నిర్ణయం తీసుకున్న ఉద్యోగి

ఇంటి రెండో అంతస్తు నిర్మాణానికి బ్యాంకు రుణం మంజూరు కాలేదన్న మనస్తాపంలో ఓ వ్యక్తి ఆత్మహత్య చేసుకున్న ఘటన హైదరాబాద్‌లో చోటుచేసుకుంది. ఓల్డ్‌ అల్వాల్‌ సూర్యానగర్‌లోని చేతన్‌ హౌజింగ్‌ సొసైటీలో మాసాని స్వప్న, మాసాని శ్రీనివాస్‌రెడ్డి (40) దంపతులు నివాసముంటున్నారు. శ్రీనివాస్‌రెడ్డి ప్రైవేటు కంపెనీలో ఉద్యోగం చేస్తున్నాడు. తన ఇంటికి రెండోఅంతస్తు నిర్మాణం చేయాలని నిర్ణయించుకుని బ్యాంక్ లోన్ కోసం అప్లై చేశాడు.అన్ని ఫార్మాలిటీస్ పూర్తయ్యాక బ్యాంక్ అతడికి రుణాన్ని తిరస్కరించింది. దీంతో మనస్తాపానికి గురైన శ్రీనివాస్‌రెడ్డి మనస్తాపానికి గురయ్యాడు. కుటుంబసభ్యులు నచ్చజెప్పే ప్రయత్నం చేసినా మామూలు స్థితికి రాలేదు. గురువారం ఇంట్లో ఎవరూ లేని సమయంలో ఆయన ఉరేసుకుని ఆత్మహత్య చేసుకున్నారు. గమనించిన భార్య స్వప్న, సోదరుడు, అద్దెకు ఉండే వారి సహాయంతో స్థానిక ఆస్పత్రికి తరలించగా అప్పటికే శ్రీనివా‌స్‌రెడ్డి చనిపోయినట్లు డాక్టర్లు ధ్రువీకరించారు. కుటుంబసభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.