కూతురి కోసం ఇంటికొచ్చిన తండ్రి.. అల్లుడి దారుణం

కూతురి కోసం ఇంటికొచ్చిన మామపై అల్లుడు దారుణానికి ఒడిగట్టాడు. మాట్లాడదామని వచ్చిన మామని అత్యంత దారుణంగా హతమార్చాడు. కత్తితో పొడిచి కిరాతకంగా చంపేశాడు. హైదరాబాద్ నగరంలోని మియాపూర్ పోలీస్ స్టేషన్ పరిధిలో ఈ దారుణం జరిగింది. సుభాష్ చంద్రబోస్ నగర్‌లో నివాసముంటున్న షేక్ హఫీజ్ క్యాబ్ డ్రైవర్‌గా పనిచేస్తుంటాడు. తన కూతురిని న్యూ హఫీజ్‌పేటకి చెందిన ఆటో డ్రైవర్ ఒమర్‌కిచ్చి వివాహం చేశాడు.

ఇటీవల కొద్దిరోజులుగా ఓ ఫ్లాట్ విషయమై కూతురు, అల్లుడి మధ్య గొడవలు జరుగుతున్నాయి. విషయం తెలుసుకున్న హఫీజ్ అల్లుడితో మాట్లాడదామని కూతురు ఇంటికి వెళ్లాడు. ఆగ్రహంతో ఉన్న అల్లుడు ఒమర్ అదే అదనుగా భావించి మారణాయుధంతో దాడి చేసి కిరాతకంగా మామని హత్య చేశాడు. కత్తితో తలపై పొడిచి చంపేశాడు. దీంతో హఫీజ్ అక్కడే రక్తపు మడుగులో కుప్పకూలిపోయాడు. స్థానికులు సమాచారం అందించడంతో పోలీసులు స్పాట్‌కి చేరుకున్నారు. కేసు నమోదు చేసి దర్యాప్తు చేస్తున్నారు.

Also Read: