జైలు నుంచి వచ్చి ఖతమైపోయాడు.. జగద్గిరిగుట్టలో దారుణం

ఓ హత్య కేసులో జైలుకి వెళ్లి బెయిల్‌పై బయటికొచ్చిన నిందితుడు దారుణ హత్యకు గురైన ఘటన హైదరాబాద్ నగరంలో జరిగింది. జగద్గిరిగుట్ట పోలీస్ స్టేషన్ పరిధిలోని ఆస్బెస్టాస్ కాలనీలో ఓ వ్యక్తిని గుర్తు తెలియని దుండగులు కిరాతకంగా హతమార్చారు. సాయంత్రం 4.30 గంటల సమయంలో నడిరోడ్డుపై హత్య జరగడంతో స్థానికులు భయాందోళనకు గురయ్యారు. ఒక్కసారిగా మారణాయుధాలతో దాడి చేసిన ఆగంతకులు హతమార్చి అక్కడి నుంచి పరారయ్యారు. సమాచారం అందుకున్న పోలీసులు వెంటనే సంఘటన స్థలానికి చేరుకున్నారు. హతుడిని పాతనేరస్తుడు శ్రీహరి(30)గా గుర్తించారు. గతంలో జావేద్ అనే వ్యక్తి హత్య కేసులో నిందితుడిగా ఉన్న శ్రీహరి ఇటీవలే బెయిల్‌పై విడుదలైనట్లు తెలుస్తోంది. బయటికొచ్చిన కొద్దిరోజులకే హత్యకు గురికావడంతో ప్రత్యర్థులే హతమార్చి ఉంటారని భావిస్తున్నారు. పూర్తి వివరాలు తెలియాల్సి ఉంది.

Also Read: