దారుణం.. బర్త్‌డే పేరుతో 12 ఏళ్ల బాలికకు 35 ఏళ్ల వ్యక్తితో పెళ్లి

రంగారెడ్డి జిల్లా కేశంపేట మండలం పాపిరెడ్డిగూడలో దారుణం జరిగింది. ఓ 12 ఏళ్ల బాలికకు 35 ఏళ్ల వ్యక్తితో తల్లిదండ్రులు పెళ్లి జరిపించారు. పుట్టిన రోజు వేడుకల పేరుతో బాలికకు పెళ్లి చేశారు. దీంతో బాలిక.. పెళ్లి విషయాన్ని ఐసీడీఎస్‌ సిబ్బంది, గ్రామస్తులకు తెలిపింది. దీంతో వారు పోలీసులకు సమాచారం చెరవేశారు.

సంచార జాతులకు చెందిన ఓ 12 ఏళ్ల బాలికకు మాయ మాటలు చెప్పి తన కంటే వయసులో మూడింతలు పెద్దవాడైన వ్యక్తికి ఇచ్చి పెళ్లి చేశారు కుటుంబీకులు.. ఈ విషయం గుర్తించిన బాలిక తనకు పెళ్లి చేశారని కలత చెందింది. ఈ క్రమంలోనే పెళ్లి ఇష్టం లేదని బంధువుల ఇంటికి వెళ్లింది. దీంతో బాలిక ఉన్న చోటుకు వచ్చి బంధువులతో తల్లిదండ్రులు గొడవకు దిగారు. ఈ క్రమంలోనే ఆ బాలిక బంధువుల ఇంటి నుంచి వెళ్లిపోయింది. దీంతో స్థానికుల సాయంతో ఐసీడీఎస్‌ సిబ్బంది ఫిర్యాదు చేసింది. ఈ మేరకు వారి సమాచారంతో అక్కడికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.