హైదరాబాద్ ఎగ్జిబిషన్ సొసైటీ నూతన అధ్యక్షుడిగా తెలంగాణ ఆర్థికశాఖ మంత్రి టి.హరీశ్‌రావు నియమితులయ్యారు. తెలంగాణ ఏర్పడిన నాటి నుంచి ఈ పదవిలో మాజీ మంత్రి ఈటల రాజేందర్‌ కొనసాగుతున్నారు. గత కొద్ది నెలలుగా కొనసాగిన పరిణామాల నేపథ్యంలో ఆయన మంత్రి పదవి, ఎమ్మెల్యే పదవి, టీఆర్ఎస్ ప్రాథమిక సభ్యత్వంతో పాటు ఎగ్జిబిషన్ సొసైటీ పదవులకు రాజీనామా చేశారు. దీంతో ఆ పదవికి మంత్రి హరీశ్‌రావు పేరును సొసైటీ పాలకమండలి ప్రతిపాదించింది.
ఈ విషయాన్ని ఎగ్జిబిషన్ సొసైటీ ప్రతినిధులు ఆయనకు చెప్పడంతో హరీష్‌రావు అంగీకరించారు. దీంతో సొసైటీ ఉపాధ్యక్షుడు వినయ్‌కుమార్‌ ముదిరాజ్‌, కార్యదర్శి ప్రభాశంకర్‌, సంయుక్త కార్యదర్శి జానకీరామ్‌, కోశాధికారి హన్మంత్‌రావు, సభ్యులు ఆదిత్య మార్గం, వనం సురేందర్‌, సురేందర్‌జీ, అశ్విన్‌, చంద్రశేఖర్‌ తదితరులు శనివారం మంత్రిని కలిసి నియామకపత్రం అందజేశారు. త్వరలో సొసైటీ కార్యాలయాన్ని సందర్శిస్తానని, భవిష్యత్తులో నిర్వహించే ఎగ్జిబిషన్ దేశానికే తలమానికంగా నిలిచేలా ప్యూహరచన చేద్దామని హరీశ్‌రావు తమతో చెప్పినట్లు సభ్యులు వెల్లడించారు.
ఈ విషయాన్ని ఎగ్జిబిషన్ సొసైటీ ప్రతినిధులు ఆయనకు చెప్పడంతో హరీష్‌రావు అంగీకరించారు. దీంతో సొసైటీ ఉపాధ్యక్షుడు వినయ్‌కుమార్‌ ముదిరాజ్‌, కార్యదర్శి ప్రభాశంకర్‌, సంయుక్త కార్యదర్శి జానకీరామ్‌, కోశాధికారి హన్మంత్‌రావు, సభ్యులు ఆదిత్య మార్గం, వనం సురేందర్‌, సురేందర్‌జీ, అశ్విన్‌, చంద్రశేఖర్‌ తదితరులు శనివారం మంత్రిని కలిసి నియామకపత్రం అందజేశారు. త్వరలో సొసైటీ కార్యాలయాన్ని సందర్శిస్తానని, భవిష్యత్తులో నిర్వహించే ఎగ్జిబిషన్ దేశానికే తలమానికంగా నిలిచేలా ప్యూహరచన చేద్దామని హరీశ్‌రావు తమతో చెప్పినట్లు సభ్యులు వెల్లడించారు.