Hyderabad Nizam: హైదరాబాద్‌ను పాలించిన నిజాం కుటుంబంలో తీవ్ర విషాదం నెలకొంది. ఎనిమిదో నిజాం రాజు ముకర్రం జా బహదూర్ అని పిలువబడే మీర్ బర్కెట్ అలీ ఖాన్ మృతి చెందారు. 89 ఏళ్ల వయస్సున్న ముకర్రం జా.. శనివారం రాత్రి టర్కీలోని ఇస్తాంబుల్‌లో మరణించినట్టు నిజాం కుటుంబ సభ్యులు వెల్లడించారు. హైదరాబాద్ చివరి నిజాం మీర్ ఉస్మాన్ అలీ ఖాన్ బహదూర్ వారసుడు, మనవడు అయిన జా టర్కీలో నివసిస్తున్నారు. కాగా.. అనారోగ్యం కారణంగా తుదిశ్వాస విడిచారు. కాగా.. ఈ నెల 17వ తేదీన కుటుంబ సభ్యులు ముకర్రం జా భౌతికకాయాన్ని హైదరాబాద్‌కు తీసుకురానున్నట్టు తెలిపారు. మంగళవారం హైదరాబాద్‌లోని చౌమహల్లా ప్యాలెస్‌లో ఆయన భౌతికకాయాన్ని ప్రజల సందర్శనార్థం ఉంచనున్నారు. అవసరమైన ఆచార వ్యవహారాలను పూర్తి చేసిన తర్వాత అసఫ్ జాహీ కుటుంబ సమాధుల వద్ద అంత్యక్రియలు నిర్వహించనున్నారు.
1933 అక్టోబర్ 6 న ఫ్రాన్సులో.. ఒట్టోమన్ సామ్రాజ్యపు యువరాజు ఆజం జా, యువరాణి దుర్రు షెహ్వార్‌లకు జా జన్మించారు. ఇండియన్ యూనియన్‌లో హైదరాబాద్ చేరిన తర్వాత, ఏడో నిజాం మీర్ ఉస్మాన్ అలీఖాన్ జనవరి 26, 1950 నుంచి అక్టోబర్ 31, 1956 వరకు రాష్ట్ర రాజ్ ప్రముఖ్‌గా పనిచేశారు. ఏప్రిల్ 6, 1967న ఎనిమిదవ అసఫ్ జాగా పట్టాభిషేకం చేయబడ్డాడు.
1933 అక్టోబర్ 6 న ఫ్రాన్సులో.. ఒట్టోమన్ సామ్రాజ్యపు యువరాజు ఆజం జా, యువరాణి దుర్రు షెహ్వార్‌లకు జా జన్మించారు. ఇండియన్ యూనియన్‌లో హైదరాబాద్ చేరిన తర్వాత, ఏడో నిజాం మీర్ ఉస్మాన్ అలీఖాన్ జనవరి 26, 1950 నుంచి అక్టోబర్ 31, 1956 వరకు రాష్ట్ర రాజ్ ప్రముఖ్‌గా పనిచేశారు. ఏప్రిల్ 6, 1967న ఎనిమిదవ అసఫ్ జాగా పట్టాభిషేకం చేయబడ్డాడు.
- Read More Telangana News And Telugu News