Narayana College: ఆగస్టు 19న రామంతపూర్ నారాయణ కాలేజీలో.. ఓ విద్యార్థి నాయకుడు ఆత్మహత్యకు యత్నించాడు. ఈ ఘటనలో గాయపడిన అడ్మినిస్ట్రేటివ్ ఆఫీసర్ అశోక్ రెడ్డి.. చికిత్స పొందుతూ ఆదివారం చనిపోయాడు. గత కొద్ది రోజుల క్రితం ఓ విద్యార్థి ఫీజుకు సంబంధించిన విషయంపై చర్చించే సమయంలో.. విద్యార్థి నాయకుడు సందీప్ (Sandeep) పెట్రోల్ పోసుకుని ఆత్మహత్యకు ప్రయత్నించాడు. ఈ క్రమంలో ప్రమాదవశాత్తు కాలేజీ ప్రిన్సిపల్ గదిలోని దీపంపై పెట్రోల్ పడి మంటలు అంటుకున్నాయి. అక్కడే ఉన్న ఏవో అశోక్ రెడ్డికి గాయాలయ్యాయి. అప్పటినుంచి కంచన్ బాగ్ DRDO ఆసుపత్రిలో ఆయనకు చికిత్స అందించారు. 15 రోజుల చికిత్స తర్వాత అశోక్ రెడ్డి చనిపోయారు.
నారాయణ కాలేజీ ఏవో అశోక్ రెడ్డి మృతి.. విషమంగా విద్యార్థి నేత పరిస్థితి
Narayana College: గతనెల 19న రామంతపూర్ నారాయణ కాలేజీలో జరిగిన ఘటనలో కీలక పరిణామం చోటు చేసుకుంది. విద్యార్థి ఆత్మహత్యాయత్నం ఘటనలో గాయపడిన ఏవో అశోక్ రెడ్డి.. చికిత్స పొందుతూ తుది శ్వాస విడిచారు. దీంతో ఆయన కుటుంబం విషాదంలో మునిగిపోయింది.
ప్రధానాంశాలు:
- రామంతపూర్ నారాయణ కాలేజీ ఏవో అశోక్ రెడ్డి మృతి
- గత నెల 19న గాయపడిన ఏవో అశోక్ రెడ్డి
- చికిత్స పొందుతూ DRDO ఆసుపత్రిలో మృతి
