Hyderabad In Speed Limit: హైదరాబాదీలకు అలెర్ట్.. అంతకుమించి స్పీడ్‌తో బండ్లు నడపొద్దు.. అమల్లోకి కొత్త రూల్స్

రాష్ట్ర రాజధాని హైదరాబాద్‌‌లో వాహనాల స్పీడ్‌కు కళ్లెం పడనుంది. గ్రేటర్ హైదరాబాద్ మున్సిపల్ కార్పొరేషన్ (జీహెచ్‌ఎంసీ) పరిధిలో రోడ్లు, ప్రాంతాలు, వాహనాల రకాలను బట్టి స్పీడ్‌‌‌‌ లిమిట్‌‌‌‌ను ఫిక్స్‌‌‌‌ చేస్తూ రవాణా శాఖ కార్యదర్శి తాజాగా శ్రీనివాస రాజు ఉత్తర్వులు విడుదల‌‌‌ చేశారు. ప్రజల సేఫ్టీ దృష్ట్యా స్పీడ్‌‌‌‌ లిమిట్‌‌‌‌ విధిస్తున్నట్లు అందులో పేర్కొన్నారు.ఆ ఉత్తర్వుల మేరకు డివైడర్‌ ఉన్న రహదారిపై కార్ల గరిష్ట వేగం గంటకు 60 కిలోమీటర్లు మించకూడదు. డివైడర్లు లేని రోడ్లపై అయితే 50 కిలోమీటర్లు, కాలనీ రోడ్లపై 30 కిలోమీటర్ల వేగం దాటకూడదు. ఇక వస్తు రవాణా లారీలు, బస్సులు, ఆటోలు, బైక్‌లు.. డివైడర్‌ ఉన్న రహదారిపై 50 కిలోమీటర్లు, డివైడర్‌ లేని రోడ్డుపై 40 కిలోమీటర్లు, ఇటు కాలనీ రోడ్లలో 30 కిలోమీటర్ల వేగంలోపే వెళ్లాలని ఉత్తర్వుల్లో రవాణా శాఖ కార్యదర్శి స్పష్టం చేశారు.