అమీర్‌పేటలో కారు దగ్ధం.. నాలుగేళ్లుగా అక్కడే పార్కింగ్, ఘటనపై అనుమానాలు

హైదరాబాద్ నగరంలో ప్రధాన వాణిజ్య ప్రాంతమైన అమీర్‌పేటలో ఓ కారు దగ్ధం కావడం అందరినీ కలవరపెట్టింది. ధరంకరం రోడ్డులో చాలాకాలంగా ఓ పాత కారు పార్క్ చేసింది. అన్ని రోజులుగా ఆ కారు అక్కడే ఉన్నా స్థానికులు గాని, పోలీసులు గాని దాన్ని పట్టించుకోవడం లేదు. ఈ క్రమంలోనే ఆదివారం రాత్రి ఆ కారులో నుంచి ఒక్కసారిగా మంటలు చెలరేగాయి.

స్థానికులు వెంటనే గమనించి అగ్నిమాపక సిబ్బందికి ఫోన్ చేయగా కొద్ది క్షణాల్లోనే అక్కడికి చేరుకుని మంటలను అదుపు చేశారు. అప్పటికే కారు పూర్తిగా దగ్ఢమైంది. అయితే కారు దానికదే దగ్ధమైందా? లేక ఎవరైనా కావాలనే నిప్పు పెట్టారా? అన్న దానిపై పోలీసులు దర్యాప్తు చేస్తున్నారు. అయితే ఆ కారు ఎవరిది, ఎందుకు అక్కడే వదిలేశారు అన్న దానిపైనా పోలీసులు విచారణ చేస్తున్నారు.