ఇంగ్లీష్ లెసన్ చెబుతుంటే.. ఆన్‌లైన్‌లో కనిపించిన అశ్లీల ఫోటోలు

కరోనా ఎఫెక్ట్‌తో ఏడాదిగా విద్యార్థులు నానా తిప్పలు పడుతున్నారు. స్కూల్స్ కాలేజీలు కరోనా భయంతో మూతపడటంతో ఇప్పుడు ఆన్ లైన్ క్లాసులతోనే చదవులు కాలం వెళ్లదీస్తున్నారు. అయితే ఇదే అదనుగా కొందరు ఆకతాయిలు రెచ్చిపోతున్నారు. ఆన్ లైన్ క్లాసుల్లోకి చొబరడి ... అశ్లీల ఫోటోల్ని పోస్టు చేస్తున్నారు. ఈ ఘటనపై తాజాగా హైదరాబాద్‌ లోని ఖైరతాబాద్ ప్రభుత్వ డిగ్రీ కాలేజీ ప్రిన్సిపాల్‌ బుధవారం సిటీ సైబర్‌ క్రైమ్‌ పోలీస్ స్టేషన్‌లో ఫిర్యాదు చేశారు.

ఆమె తన విద్యార్థులకు ఆన్‌లైన్‌లో ఇంగ్లీషు పాఠం చెప్తుంటారు. ఈ నేపథ్యంలోనే కొందరు ఆకతాయిలు ఉద్దేశపూర్వకంగా ఈ క్లాసులోకి ప్రవేశిస్తున్నారని పేర్కొన్నారు. అసభ్య, అశ్లీల ఫొటోలను పోస్టు చేసి ఇతర విద్యార్థులకు ఇబ్బంది కలిగిస్తున్నారని ఆరోపించారు. దీనిపై ప్రిన్సిపాల్‌ ఫిర్యాదు మేరకు కేసు నమోదు చేసుకున్న అధికారులు దర్యాప్తు ప్రారంభించారు. ఆ ఆన్‌లైన్‌ క్లాసులో ఉన్న విద్యార్థుల్లో ఎవరో ఒకరి ఈ మెయిల్‌ ఐడీ, పాస్‌వర్డ్‌ సదరు ఆకతాయిలకు తెలిసి ఉంటాయని పోలీసులు చెబుతున్నారు. అందులో ఆన్‌లైన్‌ క్లాస్‌లోకి జొరబడగలుగుతున్నారని అధికారులు చెబుతున్నారు.