హైదరాబాద్ నగర శివారుల్లో వరుస చోరీలతో కలకలం రేగుతోంది. బుధవారం రాత్రి హయత్‌నగర్ సూర్యవంశీ కాలనీలోని మూడు ఇళ్లలో చోరీకి పాల్పడిన దొంగలు.. అబ్దుల్లాపూర్ మెట్ వద్ద మూడు షాపులను కొళ్లగొట్టారు. తాజాగా, శివారు ప్రాంతంలోని జ్యోతిషుడి ఇంట్లో దుండగులు భారీ చోరీ ఘటన వెలుగులోకి వచ్చింది. ఎల్బీనగర్ పోలీస్ స్టేషన్ పరిధిలోని బండ్లగూడ న్యూ వెంకటరమణ కాలనీలోని బాల మురళీ కృష్ణ అనే జోతిష్యుని ఇంట్లోకి దొంగలు చొరబడ్డారు. ఇంటిలో ఉన్న రూ.40 లక్షలు విలువజేసే జాతకం (రంగు) రాళ్లను దొంగలు అపహరించారు.
అనంతరం మోహన్ నాయక్ అనే వ్యక్తి ఇంట్లో చొరబడే ప్రయత్నం చేశారు. వెంటనే అతను ఇతర కాలనీవాసులకు సమాచారం ఇవ్వడంతో అక్కడి నుంచి దొంగలు పరారైనట్లు తెలిపారు. అబ్దుల్లాపూర్మెట్ మండల కేంద్రంలోనూ మూడు దుకాణాల షెటర్లని ధ్వంసం చేసి దుండగులు చోరీకి యత్నించారు. దీనికి సంబంధించిన దృశ్యాలు సీసీ కెమెరాలో నిక్షిప్తమయ్యాయి. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
అనంతరం మోహన్ నాయక్ అనే వ్యక్తి ఇంట్లో చొరబడే ప్రయత్నం చేశారు. వెంటనే అతను ఇతర కాలనీవాసులకు సమాచారం ఇవ్వడంతో అక్కడి నుంచి దొంగలు పరారైనట్లు తెలిపారు. అబ్దుల్లాపూర్మెట్ మండల కేంద్రంలోనూ మూడు దుకాణాల షెటర్లని ధ్వంసం చేసి దుండగులు చోరీకి యత్నించారు. దీనికి సంబంధించిన దృశ్యాలు సీసీ కెమెరాలో నిక్షిప్తమయ్యాయి. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.