Rta Got Huge Income From Auction Of Fancy Vehicle Numbers And 9999 Number Got Record Price
Hyderabad: ఫ్యాన్సీ నెంబర్లకు యమా డిమాండ్.. 9999కు మైండ్ బ్లాక్ ధర
Fancy Vehicle Numbers: హైదరాబాద్‌లో ఖైరతాబాద్‌లోని ఆర్టీఏ కార్యాలయంలో శనివారం నిర్వహించిన ఫ్యాన్సీ నెంబర్ల వేలం ద్వారా ఆ శాఖకు భారీగా ఆదాయం వచ్చింది. నెంబర్ల వేలంలో ఒక్కరోజే ఆర్టీఏకు.. ఏకంగా 32 లక్షల ఆదాయం సమకూరింది. ఈ వేలంలో 9999 నెంబర్‌కు అత్యధిక ధర పలికింది.
Authored byరామ్ ప్రసాద్ | Samayam Telugu25 Sep 2022, 4:56 pm
Fancy Vehicle Numbers: మార్కెట్‌లోకి వచ్చిన సరికొత్త వాహనాలు (Brand New Vehicle) కొనుక్కోవాలని కొందరు వాహన ప్రియులు ఆసక్తి చూపిస్తుంటారు. కొనుక్కున్న వాహనాన్నే ఏళ్ల తరబడి జాగ్రత్తగా వాడుకుంటూ మరికొందరు వాహన ప్రియులు మురిసిపోతుంటారు. వీళ్లే కాకుండా.. మరో వర్గం కూడా ఉంటారండీ. కొత్త వాహనాలు కొనుక్కోవటమే కాదు.. ఆ వాహనానికి ఫ్యాన్సీ నెంబర్ (Vehicle Registration Number) తీసుకోవాలని తహతహలాడిపోతుంటారు. ఫ్యాన్సీ నెంబర్లను దక్కించుకునేందుకు లక్షలు ఖర్చుపెడుతుంటారు. వాహనపు ధర కంటే నెంబర్ కోసం ఖర్చు పెట్టిన డబ్బులే ఎక్కువైన సందర్భాలు లేకపోలేదు. అలాంటి వాళ్ల ఆశే ఇప్పుడు తెలంగాణ ఆర్టీఏకు కాసులు కురిపిస్తోంది. హైదరాబాద్ ఆర్టీఏ అధికారులు నిర్వహించిన ఫ్యాన్సీ నెంబర్ల వేలం ద్వారా భారీగా ఆదాయం సమకూరింది. ఖైరతాబాద్‌లోని ఆర్టీఏ కార్యాలయంలో శనివారం నిర్వహించిన ఫ్యాన్సీ నెంబర్ల వేలం ద్వారా ఏకంగా 32 లక్షల 10 వేల 135 రూపాయల ఆదాయం వచ్చినట్లు అధికారులు వెల్లడించారు. ఈ సారి వేలంలో 9999 నెంబర్ (9999 Vehicle Number) కు రికార్డు ధర వచ్చినట్టు పేర్కొన్నారు.
Samayam Teluguఫ్యాన్సీ నెంబర్లకు యమా డిమాండ్
టీఎస్‌ 09 ఎఫ్‌ఎక్స్‌ 9999 నెంబర్‌ను 13 లక్షల 50 వేలు చెల్లించి నెమో సాప్ట్‌వేర్‌ సంస్థ సొంతం చేసుకుంది. టీఎస్‌ 09 ఎఫ్‌వై 0001 నెంబర్‌కు 7 లక్షల 25 వేలు చెల్లించి మార్లిన్‌ ఇన్ర్ఫాలయన్‌ సర్వీసెస్‌ తీసుకుంది. టీఎస్‌ 09 ఎఫ్‌వై 0006 నెంబర్‌ను ఎస్‌ఎస్‌ కన్‌స్ట్రక్షన్స్‌ సంస్థ లక్షా 60 వేలకు దక్కించుకుంది. టీఎస్‌ 09 ఎఫ్‌వై 0007 నెంబర్‌ను లక్షా 37 వేల 789 రూపాయలకు మీనాక్షీ ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌ దక్కించుకోగా.. టీఎస్‌ 09 ఎఫ్‌వై 0023 నెంబర్‌ను గౌతంకుమార్‌ లక్షా 10 వేల 116 రూపాయలకు కొనుక్కున్నాడు.
రాంప్రసాద్ తుప్పారం సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణ, జాతీయ, అంతర్జాతీయ, స్పోర్ట్స్, సినిమాకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
