మహమ్మారి నుంచి కాపాడుతా.. బోనాలులో అమ్మవారి భవిష్యవాణి

సికింద్రాబాద్ ఉజ్జయిని మహంకాళి బోనాలు ఘనంగా జరుగుతున్నాయి. అమ్మవారిని రెండో రోజు భక్తులు భారీగా దర్శించుకుంటున్నారు. ఇవాళ రంగం కార్యక్రమంలో భాగంగా స్వర్ణలత భవిష్య వాణి వినేందుకు భక్తులు పోటెత్తారు. జాతరలో భాగంగా పోతరాజుల విన్యాసాలు ఆకట్టుకోనున్నాయి. ఇవాళ ఉజ్జయిని మహంకాళి అమ్మవారిని అంబారి(ఏనుగు)పై ఊరేగింపు జరుగనుంది.

ఈ సందర్భంగా ఆలయంలో రంగం నిర్వహించారు. మాతాంగి స్వర్ణలత భవిష్యవాణి వినిపించారు. తన భక్తులకు ఎటువంటి కష్టం రాకుండా కాపాడుకునేందుకు ఎప్పుడూ ఉంటానంది అమ్మవారు.
ఈ మహమ్మారి వల్ల ఎన్ని కష్టాలు వచ్చినా ఎటు సంకోచించకుండా ఇంత పెద్దగా ఉత్సవాలు జరిపేందుకు చాలా సంతోషంగా ఉందని తెలిపింది. వానలతో వరదలు వచ్చి కష్టాలు ఉన్నప్పటికీ తాను కాపాడుకుంటానన్నారు. వ్యాధి తో ఇబ్బంది పడుతున్న కాపాడుకునేందుకు తానున్నానంటూ తల్లి అభయహస్తం ఇచ్చింది.