Missing: బాలుడి అదృశ్యం.. 10 రోజులుగా పనిచేయని సీసీ కెమెరాలు?

హైదరాబాద్‌లో మరో బాలుడి అదృశ్యం కలకలం రేపుతోంది. రాజేంద్ర నగర్ పోలీస్ స్టేషన్‌ పరిధిలోని హైదర్‌గూడ న్యూ ఫ్రెండ్స్ కాలనీకి చెందిన ఏడేళ్ల బాలుడు కనిపించకుండా పోయాడు. స్థానిక కొండల్ రెడ్డి అపార్ట్‌మెంట్‌లో నివాసముంటున్న బాలుడు మధ్యాహ్నం ఆడుకునేందుకు వెళ్లి కనిపించకుండా పోయాడు. అపార్ట్‌మెంట్‌లో ఆడుకుంటున్న బాలుడు అనూహ్యంగా అదృశ్యమయ్యాడు. మధ్యాహ్నం ఒంటి గంట నుంచి బాలుడు కనిపించకుండా పోయినట్లు తెలుస్తోంది.

కుటుంబ సభ్యులు చుట్టుపక్కల వెతికినా ఫలితం లేకపోవడంతో రాజేంద్ర నగర్ పోలీస్ స్టేషన్‌లో ఫిర్యాదు చేశారు. అప్రమత్తమైన పోలీసులు హుటాహుటిన రంగంలోకి దిగారు. బాలుడి కోసం పది బృందాలుగా ఏర్పడి గాలింపు చర్యలు చేపట్టినట్లు తెలుస్తోంది. అయితే అపార్ట్‌మెంట్‌లోని సీసీ కెమెరాలు పనిచేయకపోవడం అనుమానాలకు తావిస్తోంది. ఎవరైనా కిడ్నాప్ చేశారా అనే కోణంలోనూ ఆరా తీస్తున్నారు. అపార్ట్‌మెంట్‌లో సీసీ కెమెరాలు పది రోజులుగా పనిచేయడం లేదని సమాచారం. సీసీ కెమెరాలు పనిచేయకపోవడంపై అపార్ట్‌మెంట్ వాసులు ఆగ్రహం వ్యక్తం చేస్తున్నారు.

Also Read: