పేరుకు సాఫ్ట్‌వేర్ ఇంజినీరు, పెళ్లై ముగ్గురు పిల్లలు.. అయినా గలీజు పని, అరెస్టు

హైదరాబాద్‌లో ఓ మైనర్ బాలికను కిడ్నాప్ చేసి గదిలో బంధించి అత్యాచారానికి పాల్పడిన సాఫ్ట్ వేర్ ఇంజనీరును బంజారాహిల్స్ పోలీసులు అరెస్ట్ చేశారు. ఆదివారం అతణ్ని రిమాండ్‌కు తరలించారు. పోలీసులు తెలిపిన వివరాల ప్రకారం.. విజయవాడకు చెందిన కంటే నగేష్ అనే వ్యక్తి హైదరాబాద్‌లోని ఐల్యాబ్ సంస్థలో సాఫ్ట్ వేర్ ఇంజనీర్‌గా పని చేస్తున్నాడు. ఇతను బంజారాహిల్స్ రోడ్ నెం.2లో ఉన్న ఇందిరా నగర్‌లో భార్య, ముగ్గురు పిల్లలతో కలసి అద్దెకు ఉంటున్నాడు.

పార్ట్ టైంగా అతని ఇంటికి దగ్గర్లో నివసిస్తున్న ఇంటర్ రెండో సంవత్సరం చదివే విద్యార్థినికి(17) కొంత కాలంగా ట్యూషన్ చెబుతున్నాడు. ఈ క్రమంలోనే ఇద్దరి మధ్య సాన్నిహిత్యం ఏర్పడింది. ఈ నెల 21న ఆ బాలికకు ఇతను మాయ మాటలు చెప్పి లొంగదీసుకునేందుకు యత్నించాడు. దీంతో ఆమె తీవ్రంగా అభ్యంతరం వ్యక్తం చేసింది. అయితే, అంతటితో వదలని నగేష్ ఆమెను అదే రోజు రాత్రి బలవంతంగా తీసుకెళ్లాడు.

అప్పటికే అద్దెకు తీసుకున్న మరో గదిలో ఆమెను బంధించాడు. నైట్ డ్యూటీకి వెళ్తున్నానని తన భార్యకు చెప్పి ఆ తరువాత తనపై అత్యాచారానికి పాల్పడ్డాడడని బాధితురాలు పోలీసులకు ఇచ్చిన ఫిర్యాదులో పేర్కొంది. ఈ మేరకు పోలీసులు కేసు నమోదు చేసుకొని నిందితుడిని అరెస్టు చేశారు.

ఇవి కూడా చదవండి