Nandamuri Taraka Ratna: తండ్రిని చూసి.. గుండె పగిలేలా ఏడ్చిన తారకరత్న కూతురు

Nandamuri Taraka Ratna: ఆడపిల్లకు పుట్టినప్పటి నుంచి ప్రతి అడుగులో తండ్రి తోడుగా ఉంటారు. ఒక తండ్రిగా మాత్రమే కాకుండా మంచి మిత్రుడిగా మెలుగుతారు. కూతురు ఏ విషయమైనా ధైర్యంగా పంచుకునే నిజమైన ఫ్రెండ్ ఫాదర్. ఇన్నాళ్లు అవన్నీ అనుభవించిన నందమూరి నిష్క.. ఇప్పుడు ఒంటరిగా ఫీలవుతోంది. తన తండ్రి తారకరత్న పార్థివదేహాన్ని చూసి.. తీవ్ర భావోద్వేగానికి లోనైంది. తండ్రి ఇక లేరని.. ఎప్పటికీ రారని తెలుసుకుని కన్నీరు మున్నీరైంది. బంధువులు అందరూ కలిసినా నిష్క (Nishka)ను ఓదార్చలేకపోయారు. నిష్కకు తన తండ్రి తారకరత్న అంటే చాలా ఇష్టం. తారకరత్నకు కూడా నిష్క అంటే ప్రాణం. దీంతో తండ్రిని కడసారి చూసుకుని ఆమె విలపిస్తుంటే చూసిన వారందరి గుండెలు పగిలినంత పనైంది. ఆమెను ఓదార్చలేక అంతా చూస్తుండిపోయారు. నిష్కకు తండ్రి అంటే అంత ప్రేమ, అనుబంధం ఉందా.. అని మాట్లాడుకుంటున్నారు. ఇటీవల కుటుంబంతో కలిసి తారకరత్న తిరుమల (Tirumala) శ్రీవారిని దర్శించుకున్నారు. ఆ సమయంలో తారకరత్న నిష్కతో కలిసి ఉన్న వీడియోలు, ఫొటోలు ఇప్పుడు సోషల్ మీడియాలో వైరల్ అవుతున్నాయి. నిష్కతో కలిసి తారకరత్న బయట వారికి కనిపించడం అదే చివరిసారి.

• Read More Telangana News And Telugu News