హైదరాబాద్ మేయర్‌ ఎన్నికకు మేం కూడా పోటీ చేస్తాం: బీజేపీ

జీహెచ్‌ఎంసీ మేయర్‌ ఎన్నికలో తాము కూడా పోటీ చేస్తామని బీజేపీ ప్రకటించింది. ఈ మేరకు ఆ పార్టీ ఎమ్మెల్సీ రామచందర్‌రావు స్పష్టం చేశారు. మేయర్‌, డిప్యూటీ మేయర్‌ అభ్యర్థులను తమ పార్టీ తరపున కూడా నిలబెడతామని చెప్పారు. బీజేపీకి మేయర్ పదవి ఇవ్వాలనే నగర ప్రజలు 48 స్థానాల్లో విజయం కట్టబెట్టారని గుర్తు చేశారు. బీజేపీ, టీఆర్ఎస్ పార్టీల మధ్యకొన్ని వేల ఓట్ల తేడా మాత్రమే ఉందని అన్నారు.

మేయర్‌ ఎన్నికలో గెలుపు, ఓటమితో తమకు సంబంధం లేదని అన్నారు. ఈ ఎన్నికలో మజ్లిస్‌ పార్టీ పోటీ పడుతుందో లేదో తెలియదని అన్నారు. అది ఆ పార్టీ వ్యక్తిగత వ్యవహారమని అన్నారు. ప్రజలను పక్కదారి పట్టించేందుకు టీఆర్ఎస్, ఎంఐఎం పార్టీలు ప్రయత్నిస్తున్నాయని రామచందర్‌రావు ఆరోపించారు. అయితే, టీఆర్ఎస్, ఏఐఎంఐఎంకు మధ్య స్నేహం ఉందని విమర్శించారు.