మంత్రి పువ్వాడకు హైకోర్టు ఝలక్.. మమతా కాలేజీ వ్యవహారంలో..

మంత్రి పువ్వాడ అజయ్‌ కుమార్‌కు హైకోర్టు ఝలక్‌ ఇచ్చింది. కోర్టు ధిక్కరణ కేసులో మంత్రికి హైకోర్టు నోటీసు ఇచ్చింది. మమతా మెడికల్ కాలేజీ ఛైర్మన్ హోదాలో ఉన్న పువ్వాడ అజయ్ కుమార్‌కు నోటీసులిచ్చింది. పీజీ వైద్య కోర్సులకు 2016 జీవో ప్రకారం పాత ఫీజులే తీసుకోవాలని మెడికల్ కాలేజీలకు గతేడాది హైకోర్టు ఆదేశాలు జారీ చేసింది. కానీ.. మమత మెడికల్‌ కాలేజీ మాత్రం పీజీ వైద్య కోర్సులకు 2017జీవో ప్రకారం పెంచిన ఫీజులు వసూలు చేసింది.ఇదే అంశంపై బాధితులు కోర్టును ఆశ్రయించారు. దీంతో కాలేజీలు వసూలు చేసిన అధిక ఫీజు విద్యార్థులకు వెనక్కి ఇవ్వాలని హైకోర్టు ఆదేశించింది. కాగా.. మమత మెడికల్‌కాలేజీ యాజమాన్యం తమకు రావాల్సిన ఫీజు తిరిగి ఇవ్వడం లేదంటూ ఉన్నత న్యాయస్థానంలో.. కోర్టు ధిక్కరణ పిటిషన్‌ దాఖలు చేశారు. ఈ పిటిషన్‌‌ను పరిగణలోకి తీసుకున్న హైకోర్టు.. వివరణ ఇవ్వాలంటూ పువ్వాడ అజయ్‌కి నోటీసులు ఇచ్చింది. తదుపరి విచారణను ఏప్రిల్‌ 17కి వాయిదా వేసింది.

చాయ్ చల్లగా ఉందని లొల్లి.. హోటల్ ధ్వంసం.. పోలీస్ స్టేషన్‌కు పంచాయితీ

• Read More Telangana News And Telugu News