Pub నిర్వాహకులకు తెలంగాణ హైకోర్టు హెచ్చరిక.. రాత్రి 10 దాటితే ఇక అంతే..

Pubల నిర్వహణపై తెలంగాణ హైకోర్టు (Telangana High Court) కీలక వ్యాఖ్యలు చేసింది. రాత్రి 10 తర్వాత డీజే సౌండ్స్‌తో (DJ Sounds) శబ్ద కాలుష్యం సృష్టిస్తే.. కేసులు నమోదు చేసి చర్యలు తీసుకోవాలని పోలీసులను ఆదేశించింది. నివాస ప్రాంతాల్లో నిర్వహిస్తున్న పబ్‌లు సౌండ్ పొల్యుషన్ (Sound Polustion) సృష్టిస్తున్నా.. పోలీసులు (Police) పట్టించుకోవటంలేదని ఓ పిటిషన్ దాఖలు చేసిన పిటిషన్‌పై హైకోర్టు సోమవారం (సెప్టెంబర్ 26) విచారణ చేపట్టింది. పబ్‍ల నిర్వహణలో నిబంధనలు, కోర్టు ఇచ్చిన ఆదేశాలను కఠినంగా అమలు చేయాలని పోలీసులను ధర్మాసనం పోలీసులను ఆదేశించింది.

జనావాసాల్లో పబ్లకు అనుమతిచ్చే ముందు నిబంధనలు అమలు చేశారా ?, లేదా ? అనే అంశంపై పూర్తి వివరాలతో కౌంటర్ దాఖలు చేయాలని.. ఎక్సైజ్ శాఖను (Telangana Excis Depertment) ఆదేశించింది. గతంలో ఇచ్చిన ఆదేశాలు ఉల్లంఘిస్తే.. తీవ్రంగా పరిగణిస్తామని హైకోర్టు ధర్మాసనం హెచ్చరించింది.

గతంలో న్యాయస్థానం ఇచ్చిన ఆదేశాల మేరకు.. రాచకొండ (Rachakonda), సైబరాబాద్ (Cyberabad) పోలీస్ కమిషనర్లు కౌంటర్లు దాఖలు చేశారు.రాచకొండలో 2, సైబరాబాద్లో 34 పబ్లు ఉన్నాయన్నారు. ఆ పబ్బుల్లో లౌడ్ స్పీకర్ల వినియోగానికి అనుమతివ్వలేదని.. కమిషనర్లు కౌంటర్లలో పేర్కొన్నారు. హైదరాబాక్ (Hyderabad) కమిషనరేట్ తరఫున కౌంటర్ దాఖలు చేసేందుకు మరికొంత సమయం కావాలని ప్రభుత్వ న్యాయవాది హైకోర్టును కోరారు.