తెలంగాణ గవర్నర్ తమిళిసై సౌందరరాజన్ గురువారం సికింద్రాబాద్ పద్మారావునగర్‌లోని స్కందగిరి ఆలయాన్ని సందర్శించారు. దేవాలయంలో విగ్రహ పున: ప్రతిష్ఠ కార్యక్రమంలో మంత్రి తలసాని శ్రీనివాస్ యాదవ్‌తో కలిసి పాల్గొన్నారు. ఆలయంలో జరుగుతున్న యజ్ఞ హోమాది కార్యక్రమాల్లో పాల్గొన్న గవర్నర్ సుబ్రమణ్య స్వామి దర్శనం చేసుకుని ప్రత్యేక పూజలు నిర్వహించారు. అయితే కార్యక్రమం సజావుగా సాగుతున్న సమయంలో ఆ ప్రాంతంలో ఒక్కసారిగా విషాదం అలుముకుంది.
గవర్నర్ అటెండర్ రాజు ఆలయంలో గుండెపోటుతో కుప్పకూలిపోయారు. వెంటనే స్పందించిన గవర్నర్ భద్రతా సిబ్బంది... రాజును గవర్నర్ కాన్వాయ్‌ వాహనంలోనే హుటాహుటిన గాంధీ ఆస్పత్రికి తరలించారు. ఆస్పత్రికి చేరుకోగానే అతడిని పరీక్షించిన గాంధీ డాక్టర్లు రాజు అప్పటికే చనిపోయినట్లు నిర్ధారించారు. దీంతో గవర్నర్ తమిళిసై సహా రాజ్‌భవన్‌ అధికారులంతా దిగ్భ్రాంతికి గురయ్యారు. రాజు మృతదేహాన్ని గాంధీ ఆస్పత్రి నుంచి రాజ్‌భవన్‌కు తరలించారు. రాజుకు భార్య, ఇద్దరు పిల్లలున్నారు. రాజు మరణంతో ఆ కుటుంబం విషాదంలో మునిగిపోయింది.
గవర్నర్ అటెండర్ రాజు ఆలయంలో గుండెపోటుతో కుప్పకూలిపోయారు. వెంటనే స్పందించిన గవర్నర్ భద్రతా సిబ్బంది... రాజును గవర్నర్ కాన్వాయ్‌ వాహనంలోనే హుటాహుటిన గాంధీ ఆస్పత్రికి తరలించారు. ఆస్పత్రికి చేరుకోగానే అతడిని పరీక్షించిన గాంధీ డాక్టర్లు రాజు అప్పటికే చనిపోయినట్లు నిర్ధారించారు. దీంతో గవర్నర్ తమిళిసై సహా రాజ్‌భవన్‌ అధికారులంతా దిగ్భ్రాంతికి గురయ్యారు. రాజు మృతదేహాన్ని గాంధీ ఆస్పత్రి నుంచి రాజ్‌భవన్‌కు తరలించారు. రాజుకు భార్య, ఇద్దరు పిల్లలున్నారు. రాజు మరణంతో ఆ కుటుంబం విషాదంలో మునిగిపోయింది.