HYD: ఓయూ పోలీస్ క్వార్టర్స్ సమీపంలో గుర్తు తెలియని మృతదేహం

ఉస్మానియా యూనివర్సిటీ (ఓయూ) సైక్లింగ్ స్టేడియం సమీపంలోని పోలీస్ క్వార్టర్స్ వద్ద గుర్తు తెలియని మృతదేహం లభ్యమైన ఘటన ఆలస్యంగా వెలుగులోకి వచ్చింది. ఓ వ్యక్తి అనుమానాస్పద స్థితిలో మృతి చెందాడు. దీంతో భయాందోళనలకు గురైన అక్కడి వారు పోలీసులకు సమాచారమిచ్చారు. ఈ నేపథ్యంలోనే ఓయూ పోలీసులు ఘటనా స్థలానికి చేరుకొని మృతదేహాన్ని పరిశీలించారు.

మృతుడు ఓయూ పరిసర ప్రాంతాల్లో చెత్త ఏరుకునే వ్యక్తిగా పోలీసులు గుర్తించారు. మృతదేహం ఆనవాళ్లను బట్టి ఇరవై రోజుల క్రితం చనిపోయి ఉంటాడని పోలీసులు ఓ నిర్ధారణకు వచ్చారు. దీంతో ఉస్మానియా యూనివర్సిటీ పోలీసులు కేసు నమోదు చేశారు. ఓయూ పోలీసులు డెడ్ బాడీ పోస్ట్ మార్టం నిమిత్తం గాంధీ ఆసుపత్రి మార్చురీకి తరలించి, కేసు నమోదు చేసుకుని దర్యాప్తు చేపట్టారు..