హైదరాబాద్‌లో రోజుకో కొత్త క్రైం కథ బయటపడుతోంది. మూసీలో మొడెం లేని తల బయటపడిన ఘటన సంచలనం సృష్టించగా.. దాన్ని కాస్త కదిలిస్తే దృశ్యం సినిమాను మించిన క్రైం స్టోరీ బయటపడింది. ఈ ఘటన నుంచి బయటపడకముందే.. రంగారెడ్డి జిల్లాలోని ఓ చెరువులో ఒళ్లు జలదరించే దృశ్యం కనిపించింది. చెరువులో ఓ డ్రమ్ము కనిపించింది. చెరువులో డ్రమ్మేంటీ అని దగ్గరికెళ్లి చూస్తే.. అందులో ఓ గుర్తుతెలియని వ్యక్తి మృతదేహం కనిపించింది. దీంతో.. తీవ్ర భయభ్రాంతులకు గురైన స్థానికులు.. వెంటనే పోలీసులకు సమాచారాన్ని అందించారు. ఈ ఘటన మహేశ్వరం మండలంలోని తుక్కుగూడలో ఉన్న చెరువులో చోటుచేసుకుంది. ఓ గుర్తుతెలియని వ్యక్తి మృతదేహం డ్రమ్ములో కుక్కి కనిపించడంతో స్థానికంగా కలకలం రేగింది. స్థానికులు ఇచ్చిన సమాచారం మేరకు పోలీసులు, క్లూస్ టీం ఘటన స్థలానికి చేరుకున్నారు. పరిసరాలను క్షుణ్ణంగా పరిశీలించారు.
- Read More Telangana News And Telugu News