అభివృద్దిని చూడలేని వారు ప్రజలను మభ్యపెడుతున్నారు: మంత్రి సింగిరెడ్డి

singireddy niranjan reddy: తెలంగాణ ప్రభుత్వ పథకాలు, అభివృద్ధి కారణంగా.. రాష్ట్రంలోని ఒక్కో సామాజికవర్గం బలపడుతోందని.. వ్యవసాయ శాఖ మంత్రి సింగిరెడ్డి నిరంజన్ రెడ్డి వ్యాఖ్యానించారు. ఎనిమిదేళ్లలో తెలంగాణ అన్ని రంగాల్లో పురోగమించిందని స్పష్టం చేశారు. అన్ని రంగాల్లో మార్పులు వచ్చాయని చెప్పారు. తెలంగాణలోని మార్పును చూడలేని వారు.. ప్రజలను మభ్యపెట్టే ప్రయత్నం చేస్తున్నారని ఆరోపించారు. మర్రి చెన్నారెడ్డి (Marri Chennareddy) మానవ వనరుల అభివృద్ధి కేంద్రంలో జరిగిన.. బీసీ కులాల ఆత్మగౌరవ భవనాలు-రిజిస్టర్ కులసంఘాల నేతలతో జరిగిన సమావేశంలో మంత్రి సింగిరెడ్డి మాట్లాడారు. తెలంగాణ రాష్ట్రంలో ఇప్పుడు ఎక్కడికి వెళ్లినా పాడిపంటలు స్వాగతం పలుకుతున్నాయని.. మంత్రి నిరంజన్ రెడ్డి వివరించారు. ప్రతి ఏటా ఉపాధి అవకాశాలు పెరుగుతూ వస్తున్నాయని చెప్పారు. ప్రపంచంలో మంచినీటి చేపల ఉత్పత్తిలో.. తెలంగాణ అగ్రస్థానంలో ఉందని స్పష్టం చేశారు. చేపలు (Telangana Fish) ముదిరాజ్ సామాజికవర్గాలకు కల్పించే ఉపాధి మాత్రమే కాదని... అత్యంత ఆరోగ్యంగా భవిష్యత్ తరాలు ఎదగడానికి దోహదపడతాయని వివరించారు. ప్రభుత్వం సరైన సమయంలో నిర్ణయాలు తీసుకుని అమలు చేస్తే.. వచ్చిన మార్పులకు తెలంగాణ నిదర్శమన్నారు.

కేంద్ర ప్రభుత్వంపై మంత్రి నిరంజన్ రెడ్డి (Singireddy Niranjan Reddy) ఘాటు విమర్శలు చేశారు. వరసబెట్టి ప్రభుత్వ రంగ సంస్థలను అమ్మడం కారణంగా.. పరోక్షంగా రిజర్వేషన్ల ద్వారా కలగాల్సిన లబ్ధి కోల్పోతున్నారని వ్యాఖ్యానించారు. యువత ఉపాధికి దూరమవుతున్నారని ఆవేదన వ్యక్తం చేశారు. కేంద్రం కొత్త ఉద్యోగాలు సృష్టించడం వదిలేసిందని ఆరోపించారు. ఖాళీగా ఉన్న 14.50 లక్షల ఉద్యోగాలను భర్తీచేయడం లేదన్నారు. నష్టపోతున్న వర్గాలపై సమాజంలో చర్చ జరగాలని మంత్రి ఆకాంక్షించారు.