ఎర్రగడ్డలో నడిరోడ్డుపై మహిళ దారుణ హత్య.. పరుగులు తీసిన జనం!

హైదరాబాద్ నగరంలో నడిరోడ్డులో దారుణ హత్య తీవ్ర కలకలం రేపింది. ఒంటరి మహిళను దుండగుడు కత్తితో పొడిచి పొడిచి చంపేశాడు. నడిరోడ్డుపై ఆమెపై కత్తితో దాడి చేయడంతో జనం భయంతో పరుగులు తీశారు. ఈ దారుణ ఘటన ఎర్రగడ్డలో జరిగింది. భర్తతో విడిపోయి ఒంటరిగా జీవిస్తున్న మహిళపై ఖలీల్ అనే వ్యక్తి కత్తితో దాడి చేశాడు. నడిరోడ్డుపై విచక్షణా రహితంగా పొడవడంతో ఆమె అక్కడికక్కడే కుప్పకూలిపోయింది.

సమాచారం అందుకున్న ఎస్సార్ నగర్ పోలీసులు హుటాహుటిన సంఘటన స్థలానికి చేరుకున్నారు. కొనప్రాణాలతో కొట్టుమిట్టాడుతున్న బాధితురాలిని వెంటనే గాంధీ ఆస్పత్రికి తరలించారు. అక్కడ ఆమె చికిత్స పొందుతూ ప్రాణాలు విడిచింది. రోడ్డుపైనే దుండగుడు ఘాతుకానికి తెగబడడంతో అక్కడ భీతావహ పరిస్థితి ఏర్పడింది. జనం భయంతో అక్కడి నుంచి పరుగులు తీశారు. మృతురాలి వివరాలతో పాటు ఆమె హత్యకు కారణాలు తెలియాల్సి ఉంది.

Also Read: