Love Tragedy: నాలుగేళ్లుగా ప్రేమ.. పెద్దల్ని కాదని పెళ్లి.. రెండు నెలలు తిరగకముందే విషాదం

నాలుగేళ్లుగా వారిద్దరూ ప్రేమించుకున్నారు.. పెద్దలు ఒప్పుకోవడంతో వారిని కాదని మరి పెళ్లి చేసుకున్నారు. రెండు నెలలు బాగానే కలిసి ఉన్నారు.. ఆ తర్వాత ఏమైందో కానీ.. యువతి ఆత్మహత్య చేసుకుని ప్రాణాలు తీసుకుంది.. ఈ ఘటన రాష్ట్ర రాజధాని హైదరాబాద్ నగరంలో చోటు చేసుకుంది.

వివరాల్లోకి వెళ్తే.. నాంపల్లికి చెందిన విజయలక్ష్మి అనే యువతి మూసాపేట్‌కు చెందిన రజాక్ అనే యువకుడు నాలుగు సంవత్సరాలుగా ప్రేమించుకున్నారు. ఈ క్రమంలోనే వీరు పెళ్లి చేసుకునేందుకు సిద్ధమయ్యారు. అయితే వీరి ప్రేమను, పెళ్లిని ఇరు కుటుంబ సభ్యులు అంగీకరించలేదు. దీంతో ఈ ప్రేమ జంట గత రెండు నెలల క్రితం తల్లిదండ్రులకు తెలియకుండా పెళ్లి చేసుకున్నారు..

అనంతరం యువకుడి ఇంటికి వెళ్లగా తల్లిదండ్రులు వారి పెళ్లిని అంగీకరించలేదు. దీంతో విజయలక్ష్మి తీవ్ర మనస్థాపానికి గురై ఇంట్లో ఎవరూ లేని సమయంలో పురుగుల మందు తాగి ఆత్మహత్య చేసుకుంది.. విషయం తెలుసుకున్న వెంటనే నాంపల్లి పోలీసులు సంఘటన స్థలానికి చేరుకొని విజయలక్ష్మి భర్తను అదుపులోకి తీసుకొని విచారిస్తున్నారు. కేసు నమోదు చేసుకుని దర్యాప్తు చేస్తున్నారు..