Hyderabad: పోలీసు స్టేషన్‌లో యువతి బర్త్‌డే సెలబ్రేషన్స్.. కారణమేంటంటే..!

Hyderabad: పుట్టిన రోజు అంటే ఆ సందడే వేరు. గత సంవత్సరం కంటే ఘనంగా జరిగే విధంగా ప్లాన్ చేసుకుంటాం. బంధువులు, స్నేహితులను ఇంటికి పలిచి కొత్త బట్టలు ధరించి కేక్ కట్ చేస్తాం. కానీ ఈ యువతి మాత్రం పోలీసు స్టేషన్‌లో తన జన్మదిన వేడుకలు జరుపుకుంది. పోలీసుల మధ్య కేక్ కట్ చేసి తన ఆనందాన్ని పంచుకుంది.

వివరాల్లోకి వెళితే.. జియాగూడకు చెందిన జి.భార్గవి టిఫిన్ చేసేందుకు తన ఇంటిన నుంచి బయటకు వచ్చింది. బొగ్గులకుంటలోని రాయల్ టిఫిన్ సెంటర్ బయట తన స్కూటీని పార్క్ చేసి టిఫిన్ చేసేందుకు లోపలికి వెళ్లింది. టిఫిన్ చేసి బయటకు వచ్చే లోగా తన స్కూటీ కనపించలేదు. టిఫిన్ సెంటర్ సిబ్బందిని ఆరా తీయగా.. తమకు తెలియదని సమాధానం చెప్పారు. దీంతో ఆమె వెంటనే సుల్తాన్ బజార్ పోలీసు స్టేషన్‌కు వెళ్లి పోలీసులకు ఫిర్యాదు చేసింది.

ఫిర్యాదుపై వెంటనే స్పందించిన సీఐ బాలగంగిరెడ్డి పోలీసు సిబ్బందిని అప్రమత్తం చేశారు. సీసీ టీవీ పుటేజీలను పరిశీలించి బైక్ దొగింలిచిన వ్యక్తిని పట్టుకున్నారు. అనంతరం స్కూటీని భార్గవికి అప్పగించారు. పోలీసులకు కృతజ్ఞతలు తెలిపిన భార్గవి ఈరోజు తన పుట్టినరోజుని.., ఈ రోజు తన స్కూటీని పొగొట్టుకుని ఉంటే చాలా బాధపడేదాన్ని తెలిపింది. తన స్కూటీని తిరిగి తనకు అప్పగించిన పోలీసులకు థ్యాంక్స్ చెప్పింది. అనంతరం పోలీసు స్టేషన్ ఆవరణలోనే కేక్ కట్ చేసి తన బర్త్‌డే సెలబ్రేషన్స్ చేసుకుంది.

Read Latest Telangana News and Telugu News