Hyd: బర్త్ డేకి పిలిచి మైనర్‌పై అత్యాచారం.. ఆపై అర్ధనగ్నంగా సెల్ఫీ.. చివరికి..

మైనర్ బాలికపై ఓ యువకుడు అత్యాచారానికి పాల్పడి ఆమె అర్ధ నగ్న ఫోటోను స్నేహితులకు షేర్ చేసిన ఘటన హైదరాబాద్‌లో వెలుగులోకి వచ్చింది. నగరంలోని కూకట్ పల్లి పోలీస్ స్టేషన్ పరిధిలో ఈ ఘటన చోటు చేసుకుంది. పుట్టిన రోజు పేరుతో దూరపు బంధువే ఈ అఘాయిత్యానికి ఒడిగట్టడం గమనించదగ్గ విషయం. బాలిక అర్ధనగ్న ఫోటో షేర్ అవుతూ చివరికి ఆమె అమ్మానాన్నలను చేరింది. అప్పుడు విషయం వెలుగులోకి వచ్చింది. వివరాలివీ..

కూకట్ పల్లి పోలీసులు వెల్లడించిన వివరాల ప్రకారం.. పుట్టిన రోజు ఉందని జై బాలు (25) అనే వ్యక్తి తన దూరపు బంధువు అయిన మైనర్ బాలికను ఇంటికి ఆహ్వానించాడు. ఇద్దరూ కేక్ కట్ చేసి, కూల్ డ్రింక్స్ తాగారు. అనంతరం గదితోకి తీసుకెళ్లి ఆ మైనర్ బాలికపై అత్యాచారం యువకుడు చేశాడు. అంతటితో ఆగకుండా బాలిక అర్ధ నగ్న సెల్ఫీ తీసుకొని తన స్నేహితులకు పంపించాడు. అది షేర్ అవుతూ బాలిక తల్లిదండ్రులకు ఆ ఫోటో చేరడంతో విషయం వెలుగులోకి వచ్చింది. నిందితుడు మూసాపేట జనతానగర్‌లో నివాసముంటున్న జై బాలుగా పోలీసులు గుర్తించారు. ఇతను ఓ ప్రైవేటు కంపెనీలో ఉద్యోగం చేస్తున్నాడు.

ఫోటో తమను చేరడంతో బాలిక తల్లిదండ్రులు ఈ నెల 10న కూకట్ పల్లి పోలీసులకు ఫిర్యాదు చేశారు. దీంతో కేసు నమోదు చేసుకున్న పోలీసులు అతడిపై పోక్సో చట్టం కింద కేసు నమోదు చేశారు. బాలికను విచారణ జరపగా బలవంతంగానే తనపై అత్యాచారం చేసినట్లు బాలిక చెప్పింది. అయితే, నిందితుడు పరారీలో ఉన్నాడని, అతణ్ని త్వరలోనే పట్టుకుంటామని పోలీసులు వెల్లడించారు.