పెద్దపల్లి జిల్లాలో కరోనా కలకలం రేపింది. బసంత్‌నగర్ టోల్‌గేట్‌లో పనిచేస్తున్న 10 మంది సిబ్బందికి కోవిడ్ పాజిటివ్ అని తేలింది. దీంతో ఆ మార్గంలో వెళ్లిన వాహనదారులు టెన్షన్ పడుతున్నారు.
Samayam Telugu20 Feb 2021, 10:56 am
తెలంగాణలో ఇటీవల కరోనా కేసులు తగ్గుముఖం పట్టడంతో అందరూ ఊపిరి పీల్చుకుంటున్నారు. ఈ నేపథ్యంలోనే ప్రజల నిర్లక్ష్యం కారణంగా ఆ మహమ్మారి మళ్లీ చెలరేగిపోతోంది. కరీంనగర్‌ జిల్లాలో ఓ వ్యక్తి అంత్యక్రియల్లో పాల్గొన్న 33 మందికి కోవిడ్ పాజిటివ్ వచ్చిన సంగతి మరువకముందే పెద్దపల్లి జిల్లాలో కలకలం రేగింది. జిల్లాలోని బసంత్‌నగర్ టోల్‌గేట్‌లో పనిచేస్తున్న 10 మంది కరోనా బారిన పడినట్లు తాజాగా వెలుగులోకి వచ్చింది.
బసంత్‌నగర్ టోల్‌గేట్‌లో పనిచేస్తున్న కొందరు సిబ్బంది అనారోగ్యానికి గురికావడంతో కరోనా టెస్టులు చేశారు. వీరిలో 10 మందికి పాజిటివ్ రావడంతో అందరిలోనూ ఆందోళన నెలకొంది. ఈ టోల్‌గేట్ మీదుగా రోజూ వేలాది వాహనాలు ప్రయాణిస్తుంటాయి. దీంతో కొద్దిరోజులుగా ఈ మార్గంలో వెళ్లిన వాహనదారులకు కరోనా టెన్షన్ పట్టుకుంది. ఈ విషయం తెలుసుకున్న చాలామంది కరోనా టెస్టులు చేయించుకుంటున్నట్లు తెలుస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
