Rajanna Siricilla: ‘మన్ కీ బాత్ (Mann ki Baat)’ కార్యక్రమంలో ప్రధానమంత్రి నరేంద్ర మోదీ (Narendra Modi) తన గురించి మాట్లాడటం పట్ల సిరిసిల్ల (Siricilla) చేనేత కార్మికుడు హరిప్రసాద్ (Hari prasad) ఉద్వేగానికి లోనయ్యారు. తన చేతితో స్వయంగా నేసిన జీ-20 లోగో ఉన్న వస్త్రాన్ని చూపిస్తూ.. తన పేరును పదేపదే ప్రస్తావించడం చాలా ఆనందంగా ఉందని హరి ప్రసాద్ హర్షం వ్యక్తం చేశారు. తనకు ఊహించని భాగ్యం దక్కిందంటూ.. ఉద్వేగభరితుడయ్యాడు. టీవీలో ప్రధాని మన్ కీ బాత్ కార్యక్రమాన్ని చూస్తూ హరిప్రసాద్‌తో పాటు అతని కుటుంబసభ్యులు ఉబ్బితబ్బిబ్బైపోయారు. ఈ క్రమంలో రాష్ట్ర బీజేపీ కార్యవర్గ సభ్యులు ఆడెపు రవీందర్‌తో కలిసి కరీంనగర్‌కు వచ్చిన బీజేపీ రాష్ట్ర అధ్యక్షులు, ఎంపీ బండి సంజయ్.. హరిప్రసాద్‌ను తన దగ్గరికి పిలిపించుకున్నారు. హరిప్రసాద్‌తో బండి సంజయ్ కాసేపు ముచ్చటించారు. హరిప్రసాద్ యోగక్షేమాలు, కుటుంబం గురించి, చేస్తున్న పనికి సంబంధించిన వివరాలు అడిగి తెలుసుకున్నారు. ప్రధాని మోదీ ప్రశంసలందుకున్న హరిప్రసాద్‌ను బండి సంజయ్ ఘనంగా సన్మానించారు.
ప్రధాని మోదీ స్పూర్తితో.. కనుమరుగవుతున్న చేనేత కళను పది మందికి విస్తరించాలనే కోరిక ఉందని హరిప్రసాద్ చెప్పటంతో.. వెంటనే స్పందించిన బండి సంజయ్.. "శెభాష్.. 10 మందికి చేనేత కళను అందించేందుకు పూనుకోవడం చాలా గొప్ప విషయం. అందుకు అవసరమైన సహాయ సహకారాలు, ఆర్థిక సాయం నేను అందజేస్తా.." అని బండి సంజయ్ హామీ ఇచ్చారు. తనకు భరోసా ఇచ్చిన బండి సంజయ్‌కు, సహకరించిన ఆడెపు రవీందర్‌కు హరి ప్రసాద్ ప్రత్యేక ధన్యవాదాలు తెలిపారు.
ప్రధాని మోదీ స్పూర్తితో.. కనుమరుగవుతున్న చేనేత కళను పది మందికి విస్తరించాలనే కోరిక ఉందని హరిప్రసాద్ చెప్పటంతో.. వెంటనే స్పందించిన బండి సంజయ్.. "శెభాష్.. 10 మందికి చేనేత కళను అందించేందుకు పూనుకోవడం చాలా గొప్ప విషయం. అందుకు అవసరమైన సహాయ సహకారాలు, ఆర్థిక సాయం నేను అందజేస్తా.." అని బండి సంజయ్ హామీ ఇచ్చారు. తనకు భరోసా ఇచ్చిన బండి సంజయ్‌కు, సహకరించిన ఆడెపు రవీందర్‌కు హరి ప్రసాద్ ప్రత్యేక ధన్యవాదాలు తెలిపారు.
- Read More Telangana News and Telugu News