ఇంట్లో షార్ట్ సర్క్యూట్‌.. పూర్తిగా దగ్ధమైన ఇల్లు

కరీంనగర్ జిల్లాలో అగ్నిప్రమాదం జరిగింది. జమ్మికుంట మండలం కోరపల్లి గ్రామానికి చెందిన పానుగంటి మాణిక్యం పెంకుటిల్లులో విద్యుత్ షార్ట్ సర్క్యూట్ జరిగి మంటలు అంటుకున్నాయి. వెంటనే ఈ ఘటన పై అగ్నిమాపక సిబ్బందికి సమాచారం ఇవ్వడంతో సంఘటన స్థలానికి చేరుకున్న ఫైర్ సిబ్బంది మంటలను ఆర్పే ప్రయత్నం చేస్తున్నారు. అయితే అగ్నిప్రమాదం జరిగిన సమయంలో ఇంట్లో ఎవరు లేరు.

ఈ మంటల్లో పెంకుటిల్లు కావడంతో పూర్తిగా అగ్నికి ఆహుతయ్యింది. నిత్యావసర వస్తువులు, ఎలాక్ట్రానిక్ సామాగ్రి, నగదు, బంగారు ఆభరణాలు పూర్తిగా దగ్ధం అయ్యాయి. అయితే ఇంటి యజమానులు వస్తె గాని నష్టం విలువ అంచన వేయలేమంటున్నారు అధికారులు. ప్రమాదానికి కారణాలేంటి అనే దానిపై అగ్నిమాపక సిబ్బంది ఆరా తీస్తున్నారు.