అమెరికాలో అనారోగ్యంతో హుజూరాబాద్ వాసి మృతి

ఉన్నత చదువులు ఉద్యోగం కోసం విదేశాలకు వెళ్లిన కొడుకు తిరిగిరాని లోకాలకు వెళ్లిపోయాడు. తన బిడ్డ వస్తాడని కుమారుడి కోసం ఎదురుచూస్తున్న ఆ తల్లిదండ్రులకు కడుపుకోతను మిగిల్చాడు. అమెరికాలో హుజూరాబాద్‌ వాసి అనారోగ్యంతో మృతిచెందాడు. హుజూరాబాద్‌ పట్టణంలోని విద్యానగర్‌ కాలనీకి చెందిన పంబిడి జగన్‌మోహన్‌రావు, లక్ష్మి దంపతుల కుమారుడు నిఖిల్‌రావు(29). ఎంఎస్‌ చదివేందుకు 2015లో అమెరికా వెళ్లాడు. చదువు పూర్తి చేసుకొని అక్కడే సాఫ్ట్‌వేర్‌ జాబ్‌ చేస్తున్నాడు. అతన్ని స్వగ్రామం రావాలని తల్లిదండ్రులు పలుమార్లు కోరారు.

Read More: హైదరాబాద్‌లో స్వామీజీ కిడ్నాప్‌కు యత్నం.. గుండెపోటు రావడంతో

కానీ హెచ్‌1బీ వీసా ఆలస్యమవడంతో అమెరికాలోనే ఉండిపోవాల్సి వచ్చింది. ఈ క్రమంలో నిఖిల్‌రావు ఈ నెల 17న అనారోగ్య సమస్యలతో మృతిచెందాడు. అమెరికాలోని బంధువుల ద్వారా కుమారుడి మరణ వార్త తెలుసుకున్న అతని తల్లిదండ్రులు కన్నీరుమున్నీరుగా విలపిస్తున్నారు. అమెరికా నుంచి కొడుకు వస్తే వివాహం చెద్దామనుకున్నామని, ఇంతలోనే అతడి చావు వార్త వినాల్సి వస్తుందని అనుకోలేదన్నారు. నిఖిల్‌రావు మృతదేహం వారం రోజుల్లో స్వగ్రామం చేరనున్నట్లు బాధిత బంధువులు తెలిపారు.