Karimnagar MLC Elections: నోరుజారిన ‘సర్దార్’... షాకిచ్చిన పోలీసులు
కరీంనగర్ ఎమ్మెల్సీ ఎన్నికల్లో ఇండిపెండెట్‌గా పోటీచేస్తున్న సర్దార్ రవీందర్‌సింగ్‌పై పోలీసులు కేసు నమోదు చేశారు. ఓటర్లను ప్రభావితం చేసేలా ఆయన మాట్లాడారంటూ ఎంపీడీవో ఇచ్చిన ఫిర్యాదుతో కేసు నమోదైంది.
Samayam Telugu 29 Nov 2021, 7:22 am
ప్రధానాంశాలు:
- కరీంనగర్ మాజీ మేయర్ రవీందర్ సింగ్‌పై కేసు నమోదు
- ఓటర్లను ప్రభావితం చేసేలా మాట్లాడారంటూ ఫిర్యాదు
- ఎంపీడీవో ఫిర్యాదుతో కేసు నమోదు
ఎమ్మెల్సీ ఎన్నికల్లో రెబల్ అభ్యర్థిగా నామినేషన్ వేసి టీఆర్ఎస్‌కు షాకిచ్చారు కరీంనగర్ మాజీ మేయర్ సర్దార్ రవీందర్ సింగ్. టీఆర్ఎస్ అధిష్ఠానం రంగంలోకి దిగి బుజ్జగించినా ఆయన నామినేషన్ విత్‌డ్రా చేసుకోలేదు. తనకు మాటిచ్చి తప్పిన టీఆర్ఎస్‌కు ఎలాగైనా ఝలక్ ఇవ్వాలన్న లక్ష్యంతో అనేక మంది మద్దతు మూటగట్టుకుని ఎలాగైనా గెలవాలని విశ్వప్రయత్నాలు చేస్తున్నారాయన. అయితే రవీందర్ సింగ్‌కు ఎన్నికల అధికారులు ఊహించని షాకిచ్చారు. ఎన్నికల నియమావళి ఉల్లంఘించారని ఆయనపై కరీంనగర్ గ్రామీణ ఎంపీడీవో ఫిర్యాదు చేశారు.