75వ స్వాతంత్ర్య దినోత్సవం జరుపుకుంటున్న భారతీయులందరికీ ఇదో మరపురాని రోజని.. 'మైల్ స్టోన్ డే' అంటూ టీఆర్ఎస్ పార్టీ వర్కింగ్ ప్రెసిడెంట్, మంత్రి కేటీఆర్ ట్వీట్ చేశారు. ప్రపంచంలో భారతదేశానికి ఉన్న ప్రత్యేకత, విశిష్టతను మనం గౌరవించుకోవాలంటూ ఆయన పిలుపునిచ్చారు. మన దృష్టంతా మనల్ని ఏకం చేసే అంశాలపైనే ఉండాలని.. మనల్ని విడదీసే వాటిపై ఉండకూడదని పేర్కొన్నారు. ప్రేమను పంచుతూ, సంతోషాన్ని నింపుతూ మన దేశాన్ని మరింత గొప్పగా తీర్చిదిద్దేందుకు అందరూ కలిసి నడవాలంటూ ఆయన ట్వీట్ చేశారు.
ఆజాదీ కా అమృత్ మహోత్సవాల్లో భాగంగా హర్ ఘర్ తిరంగా నేపథ్యంలో ప్రతి ఇంటిపై జాతీయ జెండా ఎగురవేసేందుకు కోటి 20 లక్షల జెండాలను ఐదు వేల మరమగ్గాలపై తయారు చేయించినట్లు కేటీఆర్ తెలిపారు. రాష్ట్రంతో పాటు దేశంలోని 12 రాష్ట్రాల నుంచి జాతీయ జెండాల తయారీ ఆర్డర్లు రావడంతో మువ్వన్నెల రంగులతో తెలంగాణ మురిసిపోయిందన్నారు. నేతలన్నలకి తొలిసారి బీమా ప్రవేశపెట్టిన ఘనత కేసీఆర్‌ది అని.. దాదాపు 80 వేల మంది నేతన్నలకు ఈ బీమా ద్వారా లబ్ధి చేకూరనుందని ఆయన చెప్పారు.
ఆజాదీ కా అమృత్ మహోత్సవాల్లో భాగంగా హర్ ఘర్ తిరంగా నేపథ్యంలో ప్రతి ఇంటిపై జాతీయ జెండా ఎగురవేసేందుకు కోటి 20 లక్షల జెండాలను ఐదు వేల మరమగ్గాలపై తయారు చేయించినట్లు కేటీఆర్ తెలిపారు. రాష్ట్రంతో పాటు దేశంలోని 12 రాష్ట్రాల నుంచి జాతీయ జెండాల తయారీ ఆర్డర్లు రావడంతో మువ్వన్నెల రంగులతో తెలంగాణ మురిసిపోయిందన్నారు. నేతలన్నలకి తొలిసారి బీమా ప్రవేశపెట్టిన ఘనత కేసీఆర్‌ది అని.. దాదాపు 80 వేల మంది నేతన్నలకు ఈ బీమా ద్వారా లబ్ధి చేకూరనుందని ఆయన చెప్పారు.