పుట్ట మధుకి షాక్.. సీబీఐ ఎంక్వైరీ కోసం హైకోర్టుకి..

హైకోర్టు న్యాయవాది వామన్ రావు దంపతుల హత్య కేసులో పెద్దపల్లి జడ్పీ చైర్మన్ పుట్ట మధుకి షాక్ తగిలింది. కేసు దర్యాప్తు సరిగ్గా జరగడం లేదంటూ వామన్ రావు తండ్రి కిషన్ రావు హైకోర్టును ఆశ్రయించారు. జడ్పీ చైర్మన్ పుట్ట మధు అక్రమాలను ప్రశ్నించినందుకే తన కొడుకు, కోడలిని కిరాతకంగా హత్య చేశారని ఆయన ఆరోపించారు. ఈ కేసులో పోలీసులు నిష్పక్షపాత దర్యాప్తు చేయడం లేదని.. హత్య జరిగి ఇన్ని రోజులైనా పోలీసులు నిందితులను అదుపులోకి తీసుకుని పూర్తి స్థాయిలో విచారణ జరపడం లేదని ఆయన పిటిషన్‌లో పేర్కొన్నారు. ఈ కేసును సీబీఐకి బదిలీ చేయాలని ఆదేశించాలని కోరుతూ హైకోర్టులో పిటిషన్ దాఖలు చేశారు.మంథని మండలం గుంజపడుగుకి చెందిన హైకోర్టు న్యాయవాది వామన్ రావు, ఆయన భార్య నాగమణిని దుండగులు అతి దారుణంగా నడిరోడ్డుపై హతమార్చిన ఘటన రాష్ట్రవ్యాప్తంగా సంచలనం సృష్టించింది. ఈ కేసులో ప్రధాన నిందితుడు కుంట శ్రీను, సహకరించిన మరో ముగ్గురిని ఇప్పటికే పోలీసులు అరెస్టు చేశారు. నిందితులను కస్టడీలోకి తీసుకున్న పోలీసులు విచారణ జరుపుతున్నారు. ఈ కేసులో కత్తులు, కారు సమకూర్చిన పుట్ట మధు మేనల్లుడు బిట్టు శ్రీను అరెస్టైన సంగతి తెలిసిందే.

Also Read: