పంచాయతీ కారదర్శి లంచం తీసుకుంటుండగా.. ఏసీబీ అధికారులకు ఆ గ్రామ సర్పంచ్ భర్త రెడ్ హ్యాండెడ్‌గా పట్టించారు. ఈ ఘటన జగిత్యాల జిల్లా సారంగాపూర్ మండలం రేచపల్లిలో జరిగింది. పంచాయతీ కార్యదర్శి మార విజయలక్ష్మి.. గ్రామ సర్పంచ్ నుంచి శుక్రవారం రోజున 10 వేల రూపాయలు లంచం తీసుకుంటుండగా ఏసీబి అధికారులు పట్టుకున్నారు. ఈ మేరకు కరీంనగర్ ఏసీబీ డీఎస్పీ భద్రయ్య వివరాలు వెల్లడించారు. గ్రామంలో సీసీ రోడ్డు నిర్మించగా.. వాటికి ఖర్చయిన బిల్లులు చెల్లించాలంటూ గ్రామ పంచాయతీ కార్యదర్శి మార విజయలక్ష్మిని సర్పంచ్ కోరారు. బిల్లులు విడుదల చేయాలంటే.. తనకు 10 వేలు లంచంగా ఇవ్వాలంటూ డిమాండ్ చేసింది.
అయితే.. ఇప్పటికే తెలంగాణ వ్యాప్తంగా సర్పంచులు బిల్లులు రాక నానా ఇబ్బందులు పడుతున్నారు. కొందరైతే.. ఆత్మహత్యల వరకూ వెళ్లిన సందర్భాలు కూడా ఉన్నాయి. పలు చోట్ల సర్పంచులు అప్పులు చేసి మరీ.. అభివృద్ధి పనులు చేపట్టారు. బిల్లులు వస్తాయని ఆశతో ఎదురుచూస్తున్నారు. ఈ క్రమంలో.. వచ్చిన బిల్లులను సర్పంచులకు ఇచ్చేందుకు గ్రామ పంచాయతీ కార్యదర్శులు ఇలా లంచాలు అడుగుతుండటం గమనార్హం.
అయితే.. ఇప్పటికే తెలంగాణ వ్యాప్తంగా సర్పంచులు బిల్లులు రాక నానా ఇబ్బందులు పడుతున్నారు. కొందరైతే.. ఆత్మహత్యల వరకూ వెళ్లిన సందర్భాలు కూడా ఉన్నాయి. పలు చోట్ల సర్పంచులు అప్పులు చేసి మరీ.. అభివృద్ధి పనులు చేపట్టారు. బిల్లులు వస్తాయని ఆశతో ఎదురుచూస్తున్నారు. ఈ క్రమంలో.. వచ్చిన బిల్లులను సర్పంచులకు ఇచ్చేందుకు గ్రామ పంచాయతీ కార్యదర్శులు ఇలా లంచాలు అడుగుతుండటం గమనార్హం.
- Read More Telangana News And Telugu News