Azadi Aa Amrit Mahotsav: చీరపై దేశ చిత్రపటం, జాతీయ గీతం.. సిరిసిల్ల కార్మికుడి అద్భుత ప్రతిభ

భారత స్వాతంత్య్ర వజ్రోత్సవాల వేళ సిరిసిల్ల జిల్లా కేంద్రానికి చెందిన చేనేత కళాకారుడు అద్భుతాన్ని ఆవిష్కరించాడు. పట్టు వస్త్రంపై భారతదేశ చిత్రపటం, జాతీయ జెండా, జాతీయ గీతాన్ని నేసి అబ్బుపరిచాడు. నెహ్రూ నగర్ చెందిన వెల్ది హరిప్రసాద్ పవర్ లూమ్‌పై పట్టు దారాలతో ఎలాంటి కుట్టు లేకుండా వస్త్రం నేసి బోర్డర్‌లో అభివాదం చేస్తున్న మహిళ చిత్రాలను నేశాడు. రెండు మీటర్ల పొడవు 47 ఇంచుల వెడల్పు 200 గ్రాముల పైగా బరువున్న ఈ వస్త్రం కోసం నాలుగు రోజులు శ్రమించినట్టు హరిప్రసాద్ తెలిపాడు.
Lady Barber: కుటుంబ పోషణ కోసం బార్బర్‌గా మారిన యువతి.. ఆమె తెగువకు హ్యాట్సాాఫ్
హరిప్రసాద్‌కు ఇలాంటి అద్బుతాలు కొత్తేమీ కాదు. గతంలో కూడా సూక్ష్మ మగ్గం, బుల్లి పవర్‌లూమ్, కట్టుకోవడానికి అగ్గిపెట్టలో ఇమిడే చీర, సూదిలో చీరను ఇమిడే చీరను మగ్గంపై నేశాడు. ఇటీవల చేనేత బీమా పథకం, వస్త్రంపై కెసీఆర్, కేటీఆర్, సిరిసిల్ల చేనేత విగ్రహాన్ని ఆవిష్కరించారు. అతడి ప్రతిభను గుర్తించిన తెలంగాణ ప్రభుత్వం ఆచార్య కొండా లక్ష్మణ్ బాపూజీ అవార్డుతో సత్కరించింది. స్వాతంత్ర దినోత్సవ సందర్భంగా అతడు చేసిన ఈ అద్భుతంపై ప్రశంసలు కురుస్తున్నాయి.