ప్రముఖ పర్యావరణ పరిరక్షకుడు, పద్మశ్రీ వనజీవి రామయ్యను జనసేన అధినేత పవన్ కళ్యాణ్ పరామర్శించారు. ఇటీవల రోడ్డు ప్రమాదానికి గురికాగా.. ప్రస్తుతం ఆయనకు ఖమ్మం ప్రభుత్వ ఆసుపత్రిలో చికిత్స అందిస్తున్నారు. వనజీవి రామయ్యను పవన్ కళ్యాణ్ ఫోన్లో వీడియో కాల్ చేసి యోగ క్షేమాలు అడిగి తెలుసుకున్నారు. రామయ్య త్వరగా కోలుకోవాలని మనస్ఫూర్తిగా ఆకాంక్షిస్తున్నాను అన్నారు. రామయ్య సంపూర్ణ ఆరోగ్యవంతులై పర్యావరణ పరిరక్షణకు పునరంకితం కావాలని అభిలషిస్తున్నాను అన్నారు. పచ్చదనం కోసం ఆయన పడే తపన, చూపే శ్రద్ధ ప్రతి ఒక్కరిలో స్ఫూర్తి రగిలిస్తాయన్నారు.
తనను ఢీకొట్టిన వాహనదారుడిపై కేసు నమోదు చేయొద్దని మంత్రులను రామయ్య కోరారు. కేసు పెట్టడానికి బదులుగా అతడితో వంద మొక్కలు నాటించాలని మంత్రులతో అన్నారు. దీనిపై స్పందించిన మంత్రులు.. వంద కాదు, వెయ్యి మొక్కలు నాటుదామన్నారు. అలాగే తనకు సీఎం కేసీఆర్‌‌ను కలవాలని ఉందని.. అపాయింట్‌మెంట్ ఇప్పించాలని కోరారు. మంత్రులు సానుకూలంగా స్పందించి.. పూర్తిగా కోలుకొని ఆస్పత్రి నుంచి డిశ్చార్జ్ అయ్యాక.. సీఎంను కలిసే ఏర్పాట్లు చేస్తామని హామీ ఇచ్చారు.
తనను ఢీకొట్టిన వాహనదారుడిపై కేసు నమోదు చేయొద్దని మంత్రులను రామయ్య కోరారు. కేసు పెట్టడానికి బదులుగా అతడితో వంద మొక్కలు నాటించాలని మంత్రులతో అన్నారు. దీనిపై స్పందించిన మంత్రులు.. వంద కాదు, వెయ్యి మొక్కలు నాటుదామన్నారు. అలాగే తనకు సీఎం కేసీఆర్‌‌ను కలవాలని ఉందని.. అపాయింట్‌మెంట్ ఇప్పించాలని కోరారు. మంత్రులు సానుకూలంగా స్పందించి.. పూర్తిగా కోలుకొని ఆస్పత్రి నుంచి డిశ్చార్జ్ అయ్యాక.. సీఎంను కలిసే ఏర్పాట్లు చేస్తామని హామీ ఇచ్చారు.