10 రోజుల క్రితమే పెళ్లి... ఆ విషయం దాచిపెట్టిన భర్త, వరస మారడంతో ఆత్మహత్య

వారిద్దరు బంధువులు. తొలిచూపులోనే ప్రేమలో పడ్డారు. పెద్దలను ఒప్పించి మరీ పెళ్లి చేసుకున్నారు. సంసారం హాయిగా సాగిపోతుందనుకుంటున్న తరుణంలో యువతికి ఓ షాకింగ్ విషయం తెలిసింది. తాను ప్రేమించి పెళ్లి చేసుకున్న వ్యక్తి తనకు అన్న వరుస అవుతాడని తెలుసుకుని మనస్తాపంతో ఆత్మహత్య చేసుకుంది. ఈ విషయం తెలుసుకున్న అతడు కూడా ఆత్మహత్యాయత్నానికి పాల్పడ్డాడు. ఈ ఘటన భద్రాద్రి కొత్తగూడెం జిల్లా ఇల్లందు మండలం నెహ్రూ నగర్‌లో విషాదం నింపింది.

Also Read: కొత్త జంటపై రెచ్చిపోయిన దుండగులు.. అడవిలో నరకం చూపించి మంగళసూత్రం, నగలతో పరార్

భద్రాద్రి కొత్తగూడెం జిల్లా ఇల్లందు మండలంలోని నెహ్రూ నగర్ గ్రామానికి చెందిన బోడ శ్వేత అనే యువతి డిగ్రీ చదువుతోంది. అదే మండలంలోని కట్టుగూడెం గ్రామానికి చెందిన గూగులోతు వెంకటేష్ అలియాస్ బంటి ప్రేమిస్తున్నానంటూ కొన్నాళ్లుగా ఆమె వెంట పడ్డాడు. బంటి దూరపు బంధువే కావడంతో శ్వేత అతడికి ఓకే చెప్పేసింది. అయితే శ్వేత వరుసకు చెల్లి అవుతుందని బంటికి తెలిసినా.. ప్రేమించిన అమ్మాయిని పెళ్లి చేసుకోవాలన్న ఉద్దేశంతో తన ఇంటి పేరు మార్చి వరుసకు బావని అవుతానని ఆమెను నమ్మించాడు.

Also Read: బావమరుదులు కాదు మయకింకరులు... అక్కతో గొడవ పడ్డాడని బావను కొట్టి చంపేశారు

అదే నిజమని నమ్మిన శ్వేత ఇంట్లో వాళ్లని ఒప్పించి 10 రోజుల క్రితం అతడిని పెళ్లి చేసుకుంది. అయితే మూడు రోజుల క్రితం వెంకటేశ్ తనను మోసం చేసి పెళ్లి చేసుకున్నాడని ఆమెకు తెలిసింది. దీంతో మనస్తాపం చెందిన మంగళవారం తెల్లవారుజామున పురుగులమందు తాగి ఆత్మహత్య చేసుకుంది. శ్వేత చనిపోయిన విషయం తెలుసుకున్న వెంకటేష్... తన గుట్టు రట్టయిందని ఆందోళన చెందిన వెంకటేష్ తన స్వగ్రామమైన కట్టుగూడెంలో బావిలో దూకి ఆత్మహత్యకు యత్నించాడు. అతడిని గమనించిన తల్లిదండ్రులు వెంకటేష్‌ను ఖమ్మం ఆసుపత్రికి తరలించారు. వెంకటేష్ ఇంటి పేరు తప్పు చెప్పి తమ బిడ్డ ప్రాణం తీశాడంటూ శ్వేత తల్లిదండ్రులు అతడి ఇంటి ఎదుట ఆందోళనకు దిగారు. పోలీసులు జోక్యం చేసుకోవడంతో వారు ఆందోళన విరమించారు.

Also Read: నిర్మల్ జిల్లాలో అమ్మాయిల హల్‌చల్.. యువకులే టార్గెట్, ఒంటరిగా దొరికితే అంతే