భారత స్వాతంత్ర్య వజ్రోత్సవాల్లో భాగంగా తెలంగాణ రాష్ట్రంలో వాడవాడలా జాతీయ జెండాలతో ర్యాలీలు ఘనంగా నిర్వహిస్తున్నారు. ముఖ్యమంత్రి కేసీఆర్ పిలుపు మేరకు అన్ని జిల్లాల్లో మంత్రులు, టీఆర్ఎస్ ఎమ్మెల్యేల ఆధ్వర్యంలో ఫ్రీడమ్ ర్యాలీలు కొనసాగుతున్నాయి. ఈ క్రమంలోనే భద్రాద్రి కొత్తగూడెం జిల్లా పాల్వంచలో 75 అడుగుల జాతీయ జెండాతో ర్యాలీ నిర్వహించారు. ఈ కార్యక్రమంలో పాల్గొన్న ఎమ్మెల్యే వనమా వెంకటేశ్వరరావు అత్యుత్సాహంతో నోరుజారారు. ఆయన చేసిన వ్యాఖ్యలు తాజాగా సోషల్‌మీడియాలో వైరల్‌గా మారాయి.
ర్యాలీ సందర్భంగా ఎమ్మెల్యే వనమా మాట్లాడుతూ.. కేసీఆర్ పిలుపు మేరకు 75 సంవత్సరాల క్రితం మనకు స్వాతంత్య్రం వచ్చింది’ అంటూ మాట తూలారు. వనమా వ్యాఖ్యలపై నెటిజన్లు మండిపడుతున్నారు. స్వాతంత్య్ర వజ్రోత్సవాల్లో కూడా కేసీఆర్ భజన ఆపరా? అంటూ పలువురు కామెంట్లు చేస్తున్నారు.
ర్యాలీ సందర్భంగా ఎమ్మెల్యే వనమా మాట్లాడుతూ.. కేసీఆర్ పిలుపు మేరకు 75 సంవత్సరాల క్రితం మనకు స్వాతంత్య్రం వచ్చింది’ అంటూ మాట తూలారు. వనమా వ్యాఖ్యలపై నెటిజన్లు మండిపడుతున్నారు. స్వాతంత్య్ర వజ్రోత్సవాల్లో కూడా కేసీఆర్ భజన ఆపరా? అంటూ పలువురు కామెంట్లు చేస్తున్నారు.