యాప్నగరం

Bhadradri: టెన్త్ క్లాస్ స్టూడెంట్‌పై లెక్కల మాస్టారు కీచకపర్వం.. గర్భం దాల్చటంతో వెలుగులోకి

Dammapeta: భద్రాద్రి కొత్తగూడెం జిల్లా దమ్మపేట మండలంలోని ఓ గిరిజన బాలికల ఆశ్రమ ఉన్నత పాఠశాలలో పదో తరగతి చదువుతోన్న విద్యార్థినిపై ఉపాధ్యాయుడు అఘాయిత్యానికి పాల్పడ్డాడు. తన కోరిక తీర్చకపోతే పరీక్షల్లో ఫెయిల్ చేస్తానని బెదిరించి.. పలుమార్లు అత్యాచారానికి తెగబడ్డాడు. బాలికకు అనారోగ్యంగా ఉండటంతో.. తల్లిదండ్రులు ఆమెను ఆస్పత్రికి తీసుకెళ్లారు. పరీక్ష చేసిన వైద్యులు.. బాలిక గర్భవతి అని చెప్పారు. బాలికను నిలదీయగా.. కీచక లెక్కల మాస్టారు బాగోతం బయటపడింది.

Authored byరామ్ ప్రసాద్ | Samayam Telugu 24 Sep 2022, 2:23 pm
Dammapeta: లెక్కలు చెప్పాల్సిన గణితం మాస్టారు (Maths Teacher).. అసలు లెక్క తప్పాడు. పిల్లలకు ఈక్వేషన్స్ నేర్పించాల్సిన మాథ్స్ టీచర్.. వికారం కలిగించే పని చేశాడు. కామంతో కళ్లు మూసుకుపోయి.. కూతురు లాంటి విద్యార్థినిపైనే అఘాయిత్యాని (Teacher rape on student) కి పాల్పడ్డాడు. కోరిక తీర్చకపోతే పరీక్షల్లో ఫెయిల్ చేస్తానని బెదిరిస్తూ.. పలుమార్లు అత్యాచారానికి పాల్పడ్డాడు. చివరికి ఆ బాలిక గర్భం దాల్చటంతో.. ఆ ఉపాధ్యాయుడి కీచక పర్వం బయటపడింది. ఈ వికృత ఘటన భద్రాద్రి కొత్తగూడెం (Bhadradri Kothagudem ) జిల్లాలో చోటుచేసుకుంది.
Samayam Telugu teacher rapes student
లెక్కల మాస్టారు కీచకపర్వం


దమ్మపేట మండలంలోని ఓ గిరిజన బాలికల ఆశ్రమ ఉన్నత పాఠశాల (Telangana Tribal Welfare Residential School) లో బాధిత బాలిక పదో తరగతి చదువుతుంది. అదే పాఠశాలలో పనిచేస్తున్న పిచ్చయ్య అనే ఉపాధ్యాయుడు గణితం బోధిస్తున్నాడు. కామంతో రగిలిపోయిన పిచ్చయ్య.. విద్యార్థినిపై కన్నేశాడు. అసలే విద్యార్థులకు గణితం అంటే భయం. అందులోనూ ఆ సబ్జెక్టు బోధించే మాస్టారంటే.. వణికిపోతారు. ఇదే అదునుగా తీసుకున్న పిచ్చయ్య.. తన కోరిక తీర్చకపోతే పరీక్షల్లో ఫెయిల్ చేస్తానని ఆ బాలికను బెదిరించాడు. బెదిరిపోయిన బాలికపై పలుమార్లు లైంగిక దాడికి పాల్పడి.. పశువాంఛ తీర్చుకున్నాడు. ఈ క్రమంలో కొన్ని రోజుల తర్వాత విద్యార్థిని అనారోగ్యానికి గురైంది. ఆరోగ్యం బాలేదని ఇంటికి వెళ్లిన బాలికను తల్లిదండ్రులు ఆసుపత్రికి తీసుకెళ్లారు. బాలికను పరీక్షించిన వైద్యులు.. గర్భవతి అని నిర్ధారించారు.

ఈ విషయం విని కంగు తిన్న తల్లిందండ్రులు.. కూతురుని నిలదీశారు. చెప్పేందుకు ముందు భయపడిన బాలిక.. అనంతరం ఈ కీచక ఉపాధ్యాయుడి బాగోతాన్ని బయటపెట్టింది. దీంతో విద్యార్థిని తల్లిదండ్రులు దమ్మపేట పోలీస్స్టేషన్లో పిచ్చయ్యపై ఫిర్యాదు చేశారు. ఉపాధ్యాయుడిపై పోక్సో చట్టం కింద కేసు నమోదు చేసిన పోలీసులు దర్యాప్తు చేస్తున్నట్టు తెలిపారు. వెంటనే ఆ గణితం మాస్టారును విధుల నుంచి తొలగించి.. శిక్షించాలని మహిళా సంఘాలు, గిరిజన సంఘాల నేతలు డిమాండ్ చేస్తున్నారు.

గతంలోనూ అశ్వారావుపేట మండలంలోని ఒక గిరిజన బాలికల ఆశ్రమ పాఠశాలలో ఉపాధ్యాయుడు విద్యార్థిని పట్ల అసభ్యకరంగా ప్రవర్తించిన ఘటన జరిగింది. ఇప్పుడు ఈ ఘటన వెలుగుచూడటంతో.. గిరిజన బాలికల ఆశ్రమ పాఠశాలలో పురుష ఉపాధ్యాయులను నియామక అంశం మరోసారి తెరమీదికి వచ్చింది. బాలికల పాఠశాలలో పురుష ఉపాధ్యాయులను నియమించటంపై మొదటి నుంచే అభ్యంతరాలు వస్తున్నా అధికారులు పట్టించుకోవడం లేదన్న విమర్శలు వినిపిస్తున్నాయి. తాజాగా జరిగిన ఘటనతోనైనా అధికారులు అప్రమత్తమై బాలికల ఆశ్రమ పాఠశాలలో పురుష ఉపాధ్యాయులను తొలగించాలని మహిళా సంఘాల నుంచి డిమాండ్లు వినిపిస్తున్నాయి.

రచయిత గురించి
రామ్ ప్రసాద్
రాంప్రసాద్ తుప్పారం సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణ, జాతీయ, అంతర్జాతీయ, స్పోర్ట్స్, సినిమాకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.