Tummala Nageswara Rao: ఖమ్మం జిల్లా టీఆర్ఎస్‌లో కోల్డ్ వార్ నడుస్తోంది. నేతల మధ్య అంతర్గత విబేధాలు కొనసాగుతూనే ఉన్నాయి. ఎవరికి వారు యమునా తీరే అన్నట్లుగా వ్యవహరిస్తోన్నారు. ముఖ్య నేతల మధ్య ఆధిపత్య పోరు ఖమ్మం జిల్లాలో టీఆర్ఎస్ పార్టీకి నష్టం చేకూర్చేలా ఉందని గులాబీ శ్రేణులు కలవరపడుతున్నారు. మంత్రి కేటీఆర్ సయోధ్య కుదిర్చేందుకు ఎన్నిసార్లు ప్రయత్నించినా నేతలు మాత్రం పట్టు వీడటం లేదని టీఆర్ఎస్ వర్గాలు చెబుతున్నాయి.
ఖమ్మం జిల్లాలో టీఆర్ఎస్ ముఖ్య నేతగా ఉన్న తుమ్మల హాజరుకాకపోవడం జిల్లా రాజకీయాల్లో హాట్‌టాపిక్‌గా మారింది. ఈ కీలక సమావేశానికి హాజరుకాకపోవడంపై తమ్మల స్పందించారు. సత్తుపల్లి అభినందన సభకు ప్రార్థసారథిరెడ్డి ఆహ్వానించారని, పార్టీ పరంగా ఆహ్వానం లేకపోవడంతో హాజరుకాలేదని క్లారిటీ ఇచ్చారు. సభకు అధ్యక్షత వహించిన ఎమ్మెల్యే లేదా జిల్లా అధ్యక్షుడి నుంచి తనకు ఆహ్వానం అందలేదని తుమ్మల తెలిపారు. ఈ సమావేశానికి ఎస్సీ కార్పొరేషన్ మాజీ ఛైర్మన్ పిడమర్తి రవిని కూడా ఆహ్వానించలేదని తెలుస్తోంది.
గత కొంతకాలంగా తుమ్మల నాగేశ్వరరావు టీఆర్ఎస్‌లో అసంతృప్తిగా ఉన్నారని, బీజేపీలో చేరేందుకు సిద్దమయ్యారనే వార్తలు జోరుగా వినిపించాయి. కానీ ఇటీవల తన అనుచరులతో నిర్వహించిన సమావేశంలో తాను పార్టీ మారేది లేదని, సీఎం కేసీఆర్ వెంటే నడుస్తానంటూ చెప్పుకొచ్చారు. గత టీఆర్ఎస్ ప్రభుత్వంలో మంత్రిగా కేసీఆర్ వెంటే తుమ్మల ఎప్పుడూ ఉండేవారు. గత ఎన్నికల్లో ఎమ్మెల్యేగా ఓడిపోయిన తర్వాత తుమ్మలను పట్టించుకోని కేసీఆర్.. ఆ తర్వాత ఎమ్మెల్సీ లేదా ఇతర నామినేటెడ్ పదవులు ఏమీ ఇవ్వలేదు. దీంతో సీనియర్ నేతగా ఉన్న తనను కేసీఆర్ పక్కన పెట్టడంపై తుమ్మల అసంతృప్తిగా ఉన్నట్లు ప్రచారం జరుగుతోంది. ఇలాంటి క్రమంలో కీలక సమావేశానికి తుమ్మల హాజరుకాకపోవడం ప్రాధాన్యతను సంతరించుకుంది. ఆయన తీరుపై మళ్లీ చర్చలు జిల్లా రాజకీయాల్లో మొదలయ్యాయి. టీఆర్ఎస్‌నే పొమ్మనలేక ఆయనకు పొగ పెడుతుందా? అనే అనుమానాలు ఆయన అనుచరుల్లో వ్యక్తమవుతున్నాయి.
Read Latest Telangana News And Telugu News
ఖమ్మం జిల్లాలో టీఆర్ఎస్ ముఖ్య నేతగా ఉన్న తుమ్మల హాజరుకాకపోవడం జిల్లా రాజకీయాల్లో హాట్‌టాపిక్‌గా మారింది. ఈ కీలక సమావేశానికి హాజరుకాకపోవడంపై తమ్మల స్పందించారు. సత్తుపల్లి అభినందన సభకు ప్రార్థసారథిరెడ్డి ఆహ్వానించారని, పార్టీ పరంగా ఆహ్వానం లేకపోవడంతో హాజరుకాలేదని క్లారిటీ ఇచ్చారు. సభకు అధ్యక్షత వహించిన ఎమ్మెల్యే లేదా జిల్లా అధ్యక్షుడి నుంచి తనకు ఆహ్వానం అందలేదని తుమ్మల తెలిపారు. ఈ సమావేశానికి ఎస్సీ కార్పొరేషన్ మాజీ ఛైర్మన్ పిడమర్తి రవిని కూడా ఆహ్వానించలేదని తెలుస్తోంది.
గత కొంతకాలంగా తుమ్మల నాగేశ్వరరావు టీఆర్ఎస్‌లో అసంతృప్తిగా ఉన్నారని, బీజేపీలో చేరేందుకు సిద్దమయ్యారనే వార్తలు జోరుగా వినిపించాయి. కానీ ఇటీవల తన అనుచరులతో నిర్వహించిన సమావేశంలో తాను పార్టీ మారేది లేదని, సీఎం కేసీఆర్ వెంటే నడుస్తానంటూ చెప్పుకొచ్చారు. గత టీఆర్ఎస్ ప్రభుత్వంలో మంత్రిగా కేసీఆర్ వెంటే తుమ్మల ఎప్పుడూ ఉండేవారు. గత ఎన్నికల్లో ఎమ్మెల్యేగా ఓడిపోయిన తర్వాత తుమ్మలను పట్టించుకోని కేసీఆర్.. ఆ తర్వాత ఎమ్మెల్సీ లేదా ఇతర నామినేటెడ్ పదవులు ఏమీ ఇవ్వలేదు. దీంతో సీనియర్ నేతగా ఉన్న తనను కేసీఆర్ పక్కన పెట్టడంపై తుమ్మల అసంతృప్తిగా ఉన్నట్లు ప్రచారం జరుగుతోంది. ఇలాంటి క్రమంలో కీలక సమావేశానికి తుమ్మల హాజరుకాకపోవడం ప్రాధాన్యతను సంతరించుకుంది. ఆయన తీరుపై మళ్లీ చర్చలు జిల్లా రాజకీయాల్లో మొదలయ్యాయి. టీఆర్ఎస్‌నే పొమ్మనలేక ఆయనకు పొగ పెడుతుందా? అనే అనుమానాలు ఆయన అనుచరుల్లో వ్యక్తమవుతున్నాయి.
Read Latest Telangana News And Telugu News