పత్తిచేనులో తల్లి తిట్టిందని... యువతి ఆత్మహత్య

తల్లి తిట్టిందని ఓ యువతి ఆత్మహత్యకు పాల్పడింది. కన్నతల్లి మందలించడంతో మనస్తాపానికి గురైన ఓ యువతి పురుగుమందు తాగి మృతి చెందింది. ఖమ్మం జిల్లాలో ఈ ఘటన చోటు చేసుకుంది. వివరాల్లోకి వెళ్తే.. బంజర గ్రామానికి చెందిన పూనెం చంద్రకళ, వసంతరావు దంపతుల ఒక్కగానొక్క కుమార్తె చందన (17). తండ్రి నాలుగేళ్ల క్రితం చనిపోవడంతో ఆ యువతి తల్లికి తోడుగా కూలికి వెళ్తోంది. గురువారం కూడా పత్తి తీసేందుకు వెళ్లగా పనిలో వెనకబడుతున్నావని తల్లి మందలించింది.

Read More: డయల్ 100కు పెళ్లికూతురు ఫోన్.. పోలీసుల ఎంట్రీ, పీటల మీదే ఆగిన పెళ్లి

దీంతో చందన తీవ్ర మనస్తాపానికి గురైంది. తల్లి తనను తిట్టిందని లోలోపల మదనపడిపోయింది. దీంతో ఇంటికి వచ్చిన చందన ఆత్మహత్య చేసుకోవాలని నిర్ణయించుకుంది. ఇంట్లో ఎవరూ లేని సమయం చూసి పురుగుల మందు తాగింది. బంధువులు యువతిని ఉల్వనూరు పీహెచ్‌సీకి తీసుకెళ్లారు. పాల్వంచకు తరలిస్తుండగా మార్గం మధ్యలోనే మృతి చెందింది. దీంతో పోలీసులు కేసు నమోదు చేసి దర్యాప్తు చేస్తున్నారు. యువతి మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు.